Logo

Student Corner

Articles

मेराे देश नेपाल
- Revati Maharjan - 31051, Grad ... 05 March, 2024

मेरो देश नेपाल हो। नेपाल एशियामा पर्छ । नेपाल त्यो देश जुन समुद्रसँग जाेडिएको छैन । नेपाल प्राकृतिक, सांस्कृतिक र धार्मिक सम्पदामा धनी छ । हाम्राे देश हिमाल। पहाड र तराई  मिलेर बनेकाे छ । नेपालमा धेरै नदीनालाहरू, ताल , पाेखरी , झरना र वनजङ्गलहरू छन् । नेपालमा गौतम बुद्ध जन्मेका थिए । नेपालमा सर्वाेच्च शिखर सगरमाथा छ । नेपालमा धेरै जात‌जातिहरू छन् । जस्तैःब्राह्मण,क्षेत्री,  नेवार, तामाङ, गुरुङ, मगर, शेर्पा आदि । नेपालको राष्ट्रिय जनावर गाई हो । नेपालको राष्ट्रिय चरा डाँफे हो । नेपालको राष्ट्रिय फूल लालीगुराँस हो । नेपालको राष्ट्रिय हतियार खुकुरी हो । नेपालमा धेरै भाषा, भेषभूषा, धर्म, चाडपर्व छन्। नेपालमा विदेशीहरू घुम्न आउने गर्दछन् । नेपालमा धेरै घुम्ने ठाँउहरु छन् जस्तै: पोखरा, लुम्बिनी, काठमाडाैँ,भक्तपुर, ललितपुर आदि । नेपाल प्राकृतिक रूपमा निकै नै सुन्दर छ।  नेपालमा जन्मन पाउँदा मलाई गर्व लागेकाे छ ।। नेपालजस्तो अर्को देश खोजेर पनि  भेटिन्न ।


Read More
दसैँ बिदा
- Abiska Giri - 31054, Grade V ... 28 February, 2024

म मेराे दसैँ बिदामा झापा गएँ । म हवाइजहाजबाट झापा  गएकी हुँ । हवाइजहाजबाट हिमाल, बादल देख्दा मलाई रमाइलाे लाग्याे । म झापा गएपछि घरका आफन्तहरूसँग भेटघाट गरेँ । गाैरादह बजार र धरान घुम्न जाँदा मलाई एकदमै रमाइलाे लाग्याे । म धरानदेखि भेडेटार घुम्न गएँ । मैले त्यहाँबाट हिमाल र पहाड देखेँ । हामी त्याे दिन  भेडेटारकाे एउटा हाेटलमा बस्याैँ । म झापाकाे दमकमा लागेकाे मेलामा गएँ । मेलामा नाचगान, व्यापार , व्यावसाय चलेकाे थियाे । मैले त्यहाँ खानेकुरा र खेल्नेकुरा किनेँ । म मेलामा बुबाआमासँग गएकी थिएँ । झापा मेराे गाउँ हाे । झापामा मेरा बुबाआमा बस्नुहुन्छ त्यसैले म दसैँमा टीका लगाउन झापा गएकी थिएँ । झापामा केही समय डुल्ने घुम्ने गर्दागर्दै काठमाडाैँ फर्कने समय आइपुग्न लागेकाे थियाे । काठमाडाैँ फर्कने अघिल्लाे  दिन म  बुबाआमासँग खेतमा गएँ । खेतमा हरियाली थियाे । खेतैभरि धानका बाला झुलेका थिए । मेराे झापा बसाइँ एकदमै रमाइलाे भयाे ।


Read More
आमा
- Ruhjen Jung Khadka - 32014, G ... 27 February, 2024

आमा जन्म दिने व्यक्ति हुन् । आमा संसारमा एक मात्र शब्द हाे, जसलाई कुनै परिभाषाकाे आवश्यकता पर्दैन । आमा हाम्राे पहिलाे गुरु हुनुहुन्छ । आमा आफ्ना सन्तानलाई धेरै माया गर्छिन् । आमा ममताकी खानी हुन् । आमा आफ्ना सन्तानको सफलता आफ्नै सफलता ठान्छिन्। आमा आफ्ना सन्तान हरेक कुरामा सफल होस् भन्ने इच्छा गर्छिन्। केटाकेटी पनि आफ्नी आमाको मायाबिना हुर्किन सक्दैनन् । संसारमा आमाको महिमा अपरम्पार छ । संसारमा सबैभन्दा प्यारी साथी भनेकै आमा हुन् । आमा आफ्ना सन्तानका गल्तीमा क्षमा गर्न सक्छिन् । आमा सृष्टिकी कुशल कलाकार हुन् । उनी सधैँ हाम्रो राम्रो भविष्यको लागि सोचिरहन्छिन् । उनी दिनरात आफ्ना बच्चाहरू र परिवारका अन्य सदस्यहरूका हरेक इच्छाकाे ख्याल राख्छिन् । आमाबिनाकाे परिवार कल्पना गर्न पनि सकिन्न । हामीले आफ्नी आमालाई दुःख दिनुहुँदैन । आमालाई श्रद्धा गर्ने अरू दिन पनि छन् । त्यसलाई मातृऔँसी पनि भनिन्छ । आमालाई श्रद्धा गर्दा उनले आशीर्वाद दिन्छिन् । आमा संसारकै सबैभन्दा ठुली हुन्। उहाँको तुलना कसैसँग गर्न सकिन्न । उनी सधैँ सन्तानको भलो चाहन्छिन्। उनको चाहना पूरा गर्नु सन्तानको कर्तव्य हो। 


Read More