Logo

Student Corner

Articles

मेरो परिवार
- Aarav Shrestha - 35033, Grade ... 26 July, 2024

मेरो नाम आरभ श्रेष्ठ हो । मेरो परिवार सानो छ । मेरो परिवारमा चारजना सदस्य छाैँ । मेरो बुबाको नाम राजन श्रेष्ठ हो । उहाँ बैङ्कमा काम गर्नुहुन्छ । मेरी आमाको नाम मुना श्रेष्ठ हो । मेरी आमा अस्पतालमा काम गर्नुहुन्छ । मेरी दिदीको नाम आश्रा श्रेष्ठ हो । उनी कक्षा सातमा पढ्छिन् । मेरो बुबाले हामीलाई कथा सुनाउनुहुन्छ । मेरी आमाले हामीलाई मिठो खाना पकाएर खुवाउनुहुन्छ  र गृहकार्य सिकाउनुहुन्छ । हामी फुर्सदको समयमा घुम्न जान्छौँ । मलाई मेरो परिवारका सदस्यले धेरै माया गर्नुहुन्छ । मेरो परिवार खुसी र सुखी परिवार हो । हामी सधैँ एक अर्कालाई सम्मान गर्छौँ ।


Read More
आदिकवि भानुभक्त आचार्य
- Abhinya Ghimire - 34042, Grad ... 25 July, 2024

भानुभक्त आचार्यलाई नेपाली साहित्यको क्षेत्रमा आदिकविको रूपमा चिनिन्छ । उनी नेपाली साहित्यका प्रतिष्ठित कवि हुन् । उनको जन्म  वि.सं १८७१ असार २९ गते  तनहुँको रम्घामा भएको थियो। उनका बाबुको नाम धनञ्जय आचार्य, माताको नाम धर्मावती र बाजेको नाम पण्डित श्रीकृष्ण आचार्य हो । घाँस काट्ने घाँसीको कामबाट प्रभावित भएर उनले संस्कृतमा लेखिएको रामायणलाई नेपाली भाषामा अनुवाद गरेर सबै नेपालीले बुझ्ने गरी परिचित गराए । उनले लेखेका अन्य महत्त्वपूर्ण कृतिहरूमा भक्तमाला, वधूशिक्षा, प्रश्नोत्तरी आदि पर्दछन् । उनका कृतिहरू नेपाली समाजमा अत्यन्त प्रिय छन् । उनको योगदानको सम्मानमा भानुजयन्ती मनाइन्छ । भानुभक्त आचार्यले नेपाली भाषा र साहित्यको विकासमा अमूल्य योगदान पुर्‍याएका छन् । उनका कृतिहरू आज पनि नेपाली साहित्यमा महत्त्वपूर्ण स्थानमा छन् । 


Read More