Logo

Student Corner

Articles

सगरमाथामा अनारकली
- Abis Giri - 34033, Grade II o ... 19 March, 2024

सगरमाथामा अनारकली किताब बटुराम भण्डारीले लेखेका हुन् । यो कथामा अनारकली हात्तीले  चितवनको सौराहादेखि काठमाडौँ, सल्लेरी, नुनथला, नाम्चे हुँदै सगरमाथाको यात्रा गरेकाे हुन्छ। एक दिन अनारकलीले आफूलाई सगरमाथा हेर्न मन लागेकाेले एउटा विद्यार्थीलाई सगरमाथा कहाँ छ ? भनेर सोध्छ। विद्यार्थीले आफूलाई थाहा नभएकाे कुरा बताउँछ । फेरि अनारकलीले पर्यटकलाई सोध्छ । पर्यटकले नेपालको नक्सा हेरेर सगरमाथामा जाने बाटाे बताइदिन्छ । अनारकली काठमाडौँ जानको लागि टिकट लिन काउण्टरमा जान्छ तर माइक्रोबसमा अट्दैन भनेर टिकट पाउँदैन् । अनि ऊ बसको टिकट लिन जान्छ तर त्यहाँ पनि उसले टिकट पाउँदैन् । त्यहाँका कर्मचारीले अनारकलीलाई ट्रकमा जाने भए चाहिँ सम्भव छ भन्छन् । त्यसपछि ऊ ट्रकबाट काठमाडौँ पुग्छ । काठमाडौँकाे विमानस्थलमा ऊ टिकट लिन जान्छ । त्यहाँ पनि टिकट नपाएपछि ऊ हिँड्दै सगरमाथा चढ्ने उपाय साेचेर उसले लगाउने तातो कपडा किन्छ । उसले बाटोमा धेरै दुःख र कष्ट पाउँदै सगरमाथा पुग्छ । बाटोमा उसलाई सहयोग र माया गर्ने मानिस धेरै हुन्छन् । उसले शेर्पाहरूसँग रमाइलो गर्छ । यस कथाले आफ्नो मनले आँट गर्छु भनेपछि जस्तोसुकै बाधा र अप्ठ्यारा पनि सजिलै समाधान गर्न सकिन्छ भन्ने सन्देश दिएको छ। त्यसैले मलाई यो किताब असाध्यै मन पर्छ ।


Read More
पानीको महत्त्व
- Cyra Regmi - 33028, Grade III ... 18 March, 2024

मानिसको जीवनमा पानीको धेरै महत्त्व छ । पानीबिना हामी बाँच्न सक्दैनौँ । पानीको महत्त्व हामी मानिसलाई मात्र नभएर बिरुवा जनावरलाई पनि उत्तिकै छ। पानीका स्रोतहरू हिमाल, खोला, धारा, ताल, नदी आदि हुन् । पानीको प्रयोग हामी पिउन, लुगा धुन, घर सफा गर्न, हात धुन, नुहाउन आदि काममा प्रयोग गर्छौँ । हामीले निरोगी हुनका लागि उमालेको धेरै पानीको प्रयोग गर्नुपर्छ। फोहोर पानीको प्रयोगले हामीलाई विभिन्न किसिमका रोगहरू लाग्दछन् जस्तैः टाइफाइड, जन्डिस, झाडापखाला आदि रोगहरू त्यसैले हामी सबै मिलेर पानीका स्रोतहरू सफा राख्नुपर्छ। पानीकाे स्वाद हुँदैन । शरीरको सरसफाई गर्न, तिर्खा मेटाउन पानीको प्रयोग भइरहेको हुन्छ । मानिसले आफ्नो आवश्यकता अनुसार तातो र चिसो पानी विभिन्न तापक्रममा राखेर प्रयोग गर्दछन् । 


Read More