Logo

Student Corner

Articles

बुद्ध जयन्ती
- Bilakshyan Banjara - 35006, G ... 29 May, 2024

बुद्ध जयन्ती वैशाख शुक्ल पूर्णिमाका दिन मनाइन्छ । यस दिन बुद्धको जन्मदिन हो । बुद्धको जन्म लुम्बिनीको कपिलवस्तु जिल्लामा भएको थियो । राजा शुद्धोदन र मायादेवीका पुत्रकाे रूपमा उनको जन्म भएको थियो । उनको नाम सिद्धार्थ गौतम राखिएको थियो । उनको जन्मपछि उनकी आमाको मृत्यु भएकाले उनको हेरचाह सानीआमाले गरेकी थिइन् । बुद्ध सानैदेखि शान्त स्वभावका थिए । उनी २९ वर्षको उमेरमा दरबार छोडी बाहिर भिक्षु बन्न दरबार, परिवार, सम्पत्ति र सम्पूर्ण कुरा छोडेर भारतको बोधगयामा गई ध्यान गरेर बुद्धत्त्व प्राप्त गरी विश्वलाई ज्ञान दिए । उनलाई एशियाकाे तारा भनेर चिनिन्छ । बुद्धलाई अहिंसाको प्रतीक मानिन्छ । बुद्धलाई बौद्ध र हिन्दु धर्ममा भगवानका रूपमा मानिन्छ र बुद्ध जयन्तीमा पूजा आराधना गरिन्छ । उनको मृत्यु ८० वर्षको उमेरमा भएको थियो ।


Read More
गणतन्त्र दिवस
- Aarshika Poudyal - 34041, Gra ... 28 May, 2024

गणतन्त्र भन्नाले जनताद्वारा चुनिएर आएको जनप्रतिनिधिले राज्यको प्रमुख भएर शासन व्यवस्था चलाउनुलाई भनिन्छ । राष्ट्रप्रमुख, राष्ट्रपति, प्रधानमन्त्री, मुख्यमन्त्री आदि सबै जनताद्वारा निर्वाचित भएका हुन्छन् । नेपालमा वि.सं २०६५ जेठ १५ गते गणतन्त्र स्थापना भएको ऐतिहासिक दिन हो। नेपालमा हरेक वर्ष जेठ १५ गते राष्ट्रिय पर्वको रूपमा गणतन्त्र दिवस मनाइन्छ । गणतन्त्रले  पुरानो राज्य व्यवस्थालाई हटाएकाे छ । नेपालको प्रथम राष्ट्रपति रामवरण यादव हुन् भने हालको राष्ट्रपति श्री रामचन्द्र पौडेल हुन् । यो वर्ष हामी सत्रौँ गणतन्त्र दिवस मनाउँदैछौँ । यो दिन सातवटै प्रदेशमा दीप प्रज्ज्वलन, खेलकुद र सांस्कृतिक कार्यक्रम आयोजना गरी धुमधामका साथ मनाइन्छ । त्यसैगरी काठमाडौँको टुँडिखेलमा नेपाल सैनिकले राष्ट्रप्रमुखको उपस्थितिमा विभिन्न कार्यक्रमहरू आयोजना गरी भव्य रूपमा मनाउने गरिएको छ।


Read More
गणतन्त्र दिवस
- Bilakshyan Banjara - 35006, G ... 27 May, 2024

नेपालमा गणतन्त्र घोषणा भएको मितिलाई गणतन्त्र दिवस भनिन्छ । गणतन्त्रमा जनताका छोराछोरीले स्वतन्त्र रुपमा बोल्न, सरकारको गलत कामको विरोध गर्न पाउँछन् । नेपालमा गणतन्त्र आएको १५ वर्षभन्दा धेरै भयो । गणतन्त्रमा जनताका छोराछोरी राष्ट्रप्रमुख हुने शासनतन्त्र हो । नेपालमा २०६२ /६३ मा जनआन्दोलन भएको थियो । संविधानसभाको पहिलो बैठकपछि २०६५ जेठ १५ गते गणतन्त्र घोषणा गरेको थियो । गणतन्त्र घोषणा भएपछि नेपालमा भएको शाहवंशको राजतन्त्र अन्त्य भयो। नेपालमा गणतन्त्र पछि पहिलो राष्ट्रपति रामवरण यादव हुनुभयो । दोस्रो पटक विद्यादेवी भण्डारी हुनुभयो । हाल रामचन्द्र पौडेल नेपालका राष्ट्रपति हुनुहुन्छ ।


Read More
बुद्ध जयन्ती
- Ayansh Pandey - 35005, Grade ... 23 May, 2024

बुद्ध जयन्ती भगवान बुद्धको जन्मदिनको अवसरमा मनाइने एउटा पवित्र पर्व हो । यो पर्व हरेक वर्ष वैशाख शुक्ल पूर्णिमाको दिन पर्दछ । भगवान बुद्धलाई हामी गौतम बुद्ध पनि भन्ने गर्दछौँ । विश्वभरि शान्तिका दूत भनेर चिनिने गौतम बुद्धको जन्म नेपालको लुम्बिनीमा भएको थियो । बुद्धको जन्मस्थान दर्शन गर्न विश्वभरिबाट बुद्ध धर्मका अनुयायीहरू आउने गर्दछन् ।  मानव सुख, अहिंसा, अनुशासन, उपदेशहरूका कारण उनी विश्वभरि चिनिन सफल भएका हुन् । उनले बुद्ध धर्मको स्थापना गरेका थिए । उनको उपदेशबाट प्रभावित भएर बुद्ध धर्मका अनुयायी बनेका चेलाहरू आज पनि विश्वभर फैलिएका छन् । नेपाललाई बुद्धको देश भनेर विश्वमा चिनिन्छ । जुन हाम्रो लागि गौरवको विषय हो । बुद्ध जयन्तीको दिन लुम्बिनीमा बुद्धका अनुयायीहरूको भिड लाग्ने गर्दछ ।


Read More