Logo

Student Corner

Articles

मेरो मिल्ने साथी
- Avneesha Maharjan - 32005, Gr ... 25 March, 2024

मेरो मिल्ने साथीको नाम इशानी हो । उनी १० वर्षकी भइन् । उनी बालकुमारीमा बस्छिन् । उनी मङ्सिर १५ गते जन्मिएकी हुन् । उनको घरमा आमा, बुबा, दाइ, बहिनी र भाइ छन् । उनी सानो परिवारमा बस्छिन् । उनलाई प्याजी रङ मन पर्छ । उनलाई मन पर्ने खाना म:म र पिज्जा हो। उनलाई नाटक खेल्न मन पर्छ। हामी हरेक शनिबार नाटक कक्षामा सँगै जान्छौँ । हामी विद्यालयमा सँगै पढ्छौँ र खेल्छौँ। इसानी एउटी सहयोगी साथी हुन् । उनी मलाई मद्दत गर्छिन् । उनलाई मन पर्ने विषय गणित हो । उनलाई गणितका अभ्यासहरू गर्न धेरै मन पर्छ । इशानी एउटी मिल्ने साथी हुन् । उनी सबैसँग मिलेर बस्छिन् । उनलाई घुम्न मन पर्छ। इशानीलाई पढाउन धेरै मन पर्छ। उनी ठुली भएपछि शिक्षिका बन्ने लक्ष्य छ। उनको मन पर्ने ठाउँको नाम पोखरा हो। उनलाई पोखराका विभिन्न ठाउँहरू घुम्न मन पर्छ । उनलाई पौडी खेल्न मन पर्छ। हरेक गर्मी महिनामा उनी पौडी खेल्न जान्छिन् । उनको मन पर्ने शिक्षिका निम्जला गुरुआमा हो । उनलाई मन पर्ने कथा ‘स्नो हाइट’ हो। उनलाई कथा, कविता र निबन्ध पढ्न मन पर्छ।


Read More
मैले देखेकाे एउटा घटना
- Aayaan Rai - 31006, Grade V o ... 22 March, 2024

एकचोटि म बाजेसँग स्कुल जाँदै थिएँ । हामी बाटाेमा डिँड्दै थियाैँ । बाजेलाई केही सामान किन्नुपर्ने भएकाे हुनाले हामी एउटा पसलमा गयाैँ । हामी एकैछिन त्यहीँ  पसलकाे कुर्सीमा बस्याैँ । बस्दै गर्दा  मेरा आँखा एउटा रातो स्कुटरमा गए । त्यो स्कुटर चलाउने मानिसले हेल्मेट लगाएको थिएन । उसले धेरै छिटो  स्कुटर चलाइरहेको थियो । त्यो स्कुटरले एउटा बाइकलाई ओभरटेक गर्यो । अनि, त्यति नै बेला एउटा ट्याक्सीले कारलाई ओभरटेक गर्यो । जब त्यो ट्याक्सीले एउटा बाइक देख्याे, तब ऊ आफ्नो ठाउँमा जान खोज्यो । अनि त्यहीँ ट्याक्सिले दखेकाे बाइकलाई त्याे रातो स्कुटरले ओभरटक गरेकाे थियाे । त्यसपछि मैले र मेरा बाजेले भ्वाङ्ग आवाज सुन्यौँ । हामी हेर्न जाँदा त्यस राताे स्कुटर ढलेको थियो र ट्याक्सीको बोनेट कुच्चेको थियो । त्यहाँ एउटा भयानक दुर्घटना भएको थियो । मैले मेरै आँखा अगाडि  डरलाग्दाे दुर्घटना देखेँ । यसबाट मैले के सिकेँ भने,हतार गरेर सवारी साधन चलाउनुहुँदैन । हेल्मेट अनिवार्य रूपमा लगाउनुपर्छ । ट्राफिक नियमकाे पालना गर्नुपर्छ । जथाभावी सवारी साधन चलाउँदा ज्यान जान सक्दाे रहेछ । त्यसैले हामी यस कुरामा सचेत रहनुपर्छ ।


Read More
नदी
- Sushant Pokharel - 32020, Gra ... 21 March, 2024

नदी भन्नाले ससाना खोल्साभन्दा ठुला र बाह्रै महिना निरन्तर बगिरहने पानीको स्रोत नै नदी हो । कुनै नदीका मुहान हिमालमा हुन्छन् । कुनै नदीका मुहान पहाडमा हुन्छन् । हाम्राे  देशमा नदीको उत्पत्ति धेरैजसाे हिमालयबाट भएकाे हाे । जलस्रोतको हिसाबले हाम्रो देश नेपाल धनी छ। यहाँ धेरै नदीहरू छन् । नदी हिउँदको समयमा साना हुन्छन् भने बर्खामा नदीहरू ठुला हुन्छन् र बाढीको जोखिम हुन्छ। यो समयमा पानीकाे बहाब बढ्छ । कहिलेकाहीँ धनजनको क्षति पनि हुन्छ। बर्खाको बेलामा बाढी र पहिरोबाट जोगिन हामी बेलैमा सचेत हुनुपर्छ। नदीकाे अन्तिम गन्तव्य विभिन्न अरू नदीनालाहरूसँग मिसिदै समुद्रसम्म हुन्छ । नदी हाम्रो जीवनमा धेरै महत्त्वपूर्ण छ । मानव सभ्यताको विकासको क्रम नै नदीको किनारबाट भएको पाइन्छ । नदीबाट हामीले बिजुली निकाल्न सक्छौँ। खेतबारीमा सिँचाइ गर्न सक्छौँ। नदीबाट घरायसी आवश्यकता पनि पूरा गर्न सकिन्छ । नदीबाट अन्य फाइदा लिन सकिन्छ। तसर्थ नदीलाई फोहोर बनाउनु हुँदैन।


Read More
लाखे नाच
- Praneesha Shrestha - 31017, G ... 20 March, 2024

नेवार समुदायले कुनै विशेष जात्रामा लाखेको मुखुन्डाे पहिरिएर गरिने परम्परागत नृत्य नै लाखे नाच हो । यो नाच गुँला पर्वमा उपत्यकाका विभिन्न ठाउँमा र इन्द्र जात्रामा काठमाडौँमा देखाइन्छ । कृष्णलाई मार्नका लागि कंशले बहिनी पुतनालाई प्रयोग गरेको र पुतनाको मृत्युको कामना गर्दै राक्षसको स्वरूपमा सजिएर नेवार समुदायमा लाखे नाच नचाउने गरिन्छ । उपत्यकामा लाखे नाच नचाउने प्रचलन कहिलेदेखि सुरुवात भयो भन्ने कुरामा विभिन्न मतभेद रहेको छ । कसैले राजा हरिसिंहदेवले सिम्रौनगढबाट तलेजु भवानीलाई उपत्यकामा ल्याउँदा देवीसँगै लाखेलाई ल्याइएको हो भनिन्छ । कतिपयले भने नुवाकोटबाट आएका ठकुरी राजाले लाखेलाई उपत्यकामा ल्याएका हुन भन्ने तर्क पनि राख्दछन् ।नेपाल भाषा वंशावलीअनुसार लाखे नाचको चलन राजा गुणकामदेवले सुरु गराएका हुन् भन्ने भनाइ पनि छ । तर राजा प्रताप मल्लका पालादेखि मुकुट लगाई लाखे नाच नाच्ने गरेको पाइन्छ ।  नेवार समुदायमा बढी प्रचलित रहेको लाखे नाच जिल्लाबाट लोप हुने अवस्थामा पनि लाखे नाच जिल्लाभर प्रचलित नै छ । नेवार समुदायमा लाखेको खप्पर बनाउने र लाखे निकाल्ने बेलामा पूजापाठ गर्नुपर्ने प्रचलन रहे पनि पछिल्लो पुस्तामा लाखे नाच हराउँदै गएकाले पूजापाठको परम्परासमेत पनि हराउँदै गएकाे महुस गरिएको छ । नाच तालमा स्थानीय लोकगीत, रोपाईजात्रा, घोडेजात्रा, गाईजात्रा, रुटजात्रा, वैरागीजात्रा लगायतका जात्राहरू समाजका विभिन्न विकृतिलाई व्यङ्ग्य गर्न र आम जनताको मनोरञ्जनका लागि गरिन्छ।


Read More
तिहार
- Avneesha Maharjan - 32005, Gr ... 19 March, 2024

मलाई मन पर्ने चाड तिहार हो । तिहारलाई बत्तीको चाड पनि भनिन्छ । तिहार दसैँपछि आउँछ । यो चाड प्रत्येक वर्ष कार्तिक कृष्ण त्रयाेदशीदेखि कार्तिक शुक्ल द्वितीया सम्म पाँच दिन मनाइन्छ। पहिलो दिन कागतिहार हो । दोस्रो दिन कुकुरतिहार हो । तेस्रो दिन लक्ष्मीपूजा हो । यस दिन घर सफा गरेर राति दियोबत्ती बालेर लक्ष्मीमाताको पूजा गरिन्छ । तिहारमा सबैतिर झिलिमिली हुन्छ । चौथो दिन गोवर्द्धन पूजा र म्हपूजा मनाइन्छ । म्हपूजाकाे दिन नेवारहरूको नयाँ वर्ष हो । पाँचौँ दिन भाइटीका हो । त्यस दिन दिदीबहिनीले आफ्नो दाजुभाइलाई टीका र मखमली फूलको माला लगाइदिएर मिठा मिठा खानेकुरा दिएर भाइटीका मनाउँछन् । तिहारलाई यमपञ्चक पनि भनिन्छ । मेरो समुदायमा तिहार चाड धुमधामसँग मनाइन्छ । 


Read More
कृषि
- Dinisha Shiwakoti - 31042, Gr ... 18 March, 2024

जमिनलाई प्रयोग गरेर गरिने सम्पूर्ण कामहरू जस्तै: खेतीपाती, पशुपन्छी पालन, फलफूल खेती , मौरी पालन, माछा पालन आदिलाई कृषि भनिन्छ । कृषि गर्ने, अन्न उब्जाउने मानिसलाई किसान भनिन्छ । किसानले उत्पादन गर्ने खाद्यान्नलाई दुई प्रकारमा बाँडिएको छ: खाद्यान्न बाली र नगदे बाली । खाद्यान्न बाली खानको लागि उब्जाइने बाली हो भने नगदे बाली भने बेच्नको लागि उब्जाइने बाली हो । कृषि दुई प्रकारका हुन्छन्:

१. परम्परागत कृषि:-  परम्परातगत कृषिमा परम्परागत औजारहरू, पुराना ढङ्गका ‌औजारहरू जस्तै कुटो, कोदालो, हलो आदि प्रयोग गरिन्छ । खेतीपातीका लागि आकाशे पानीमा भर पर्नु पर्ने हुन्छ । मलका लागि गाईभैँसीको मलमुत्रलाई प्रयोग गरिन्छ । सोही अनुसार उत्पादन पनि कम हुन्छ ।

२. आधुनिक कृषि:-  आधुनिक औजार र मेसिनहरू प्रयोग गरेर थोरै जमिनमा पनि धेरै उत्पादन गर्ने कामलाई आधुनिक कृषि भनिन्छ । आधुनिक यन्त्रहरूको सहायताले कम समयमा पनि धेरै काम गर्न सकिने हुन्छ।

 नेपाल एक कृषिप्रधान देश हो । धेरै जसो नेपालीहरूको प्रमुख पेश नै कृषि हो । आर्थिक सर्वेक्षण २०७९/८० को अनुसार कृषि पेशामा संलग्न नेपालको जम्मा जनसंख्याको ५०.४ प्रतिशत रहेको छ । कुल ग्राहस्थ्य उत्पादनमा २०७९/८० मा कृषिको योगदान २४.१ प्रतिशत रहेको अनुमान छ। 

नेपलाको जम्मा जनसंख्याको ५०.४ प्रतिशत जनसंख्याले कृषि पेशा गर्ने हुँदा हामीले आधुनिक कृषि गरी उत्पादन बढाउनुपर्छ । हामीले दैनिक रूपमा खाने खानेकुराहरू कृषि र कृषकको मेहनतको फल हो । त्यसैले हामी सबैजनाले कृषि पेशा र कृषकको कामलाई सम्मान गर्नुपर्छ ।


 


Read More