अनुशासन 

Written by: Eugene Gurung - 2028049, Grade IV

Posted on: 11 October, 2020

अनुशासन हाम्रो जीवनमा निकै महत्वपूर्ण चिज हो । अनुशासित मानिसलाई सबैले मन पराउँछन् । अनुशासित मानिसले जुनसुकै ठाउँमा पनि राम्रो काम पाउनुका साथै उसलाई सबैले राम्रो नजरले हेर्ने गर्छन् ।अनुशासन भनेको सबैमा लागु हुनुपर्छ । अनुशासन भनेकाे सानाेदेखि ठूलोसम्ममा लागू हुन्छ । अनुशासन ठूलोका लागि नि उत्तिकै आवश्यक हुन्छ, जति सानाका लागि हुन्छ । यसले ठूलो वा सानो भन्दैन । अनुशासनले धनी वा गरिब अनि जातभात छुट्याउँदैन । अनुशासन भनेको घरबाहिर मात्रै नभएर घरभित्र पनि उत्तिकै आवश्यक हुन्छ । स्कुल, अफिस, आफन्तकाे घर आदि जहाँसुकै पनि अनुशासित मानिसले राम्राे पहिचान पाउँछन् । 

जनावरहरू जस्तै कुकुर, बिरालाे, सुगा आदिलाई पनि अनुशासन सिकाउने गरिन्छ । अनुशासित मानिसलाई सबैले माया गर्ने गर्छ। अनुशासन भन्ने कुरा कसैले पनि जन्मदै लिएर आएकाे हुँदैन । याे भनेको आफैले सिक्नुपर्ने र आफ्नाे जीवनमा अपनाउनु पर्ने कुरा हाे । अनुशासित हुनुका साथ-साथै इमानदार पनि भयौँ भने हामीले सबैकाे विश्वास र मानसम्मान पनि पाउँछौं ।अनुशासन नभएको मानिसलाई कसैले पनि मन पराउँदैनन् । न त उसले अरुबाट मानसम्मान नै पाउँछ, उसलाई कसैले पनि विश्वास गर्दैन त्यसैले हाम्रो जीवनमा अनुशासनकाे धेरै महत्त्व छ ।