मेरो देश नेपाल

Written by: Arnesh Thapaliya - 32052, Grade V

Posted on: 01 October, 2024

जन्मदिने आमा र जन्मभूमि स्वर्गभन्दा पनि प्यारा हुन्छन् । मेरो देशको नाम नेपाल हो । नेपाल जस्तो अर्को देश  खोजेर पनि कतै  भेटिँदैन किनभने मेरो देश अत्यन्तै सुन्दर छ । यो हिमाल, पहाड र तराई मिलेर बनेको छ । मेराे देशमा ७ प्रदेश र ७७ जिल्ला छन् । मेरो देश प्राकृतिक, सांस्कृतिक र ऐतिहासिक रूपमा प्रसिद्ध छ । मेरो देशमा धेरै हिमालहरू छन् । विश्वको सर्वोच्च शिखर सगरमाथा नेपालमा नै छ । मेरो देशको राष्ट्रिय जनावर गाई, राष्ट्रिय हतियार खुकुरी,  राष्ट्रिय चरा डाँफे,  राष्ट्रिय रङ सिम्रिक र राष्ट्रिय फूल लालीगुराँस हो । मेरो देशमा विभिन्न जातजाति र भाषा बोल्ने मानिसहरू बसोबास गर्छन् । यहाँ जातिअनुसारका भेषभूषाहरू रहेका छन् । नेपालमा बसोबास गर्ने हामी सबै नेपाली हौँ । हामी नेपालीहरू एकआपसमा असाध्यै मिलेर बसेका छाैँ । नेपालीहरूले धेरै धेरै चाडपर्वहरू मनाउँछन् । दसैँ, तिहार, छठ, इद, ल्हाेसार, क्रिसमस, तिज, उँधाैली, उँभाैली आदि  नेपालीहरूका महान् पर्व  हुन् । सबै नेपालीहरू एकआपसमा मिलेर चाडपर्व मनाउँछाैँ ।  सबैलाई चाडपर्वकाे शुभकामना दिन्छाैँ । मेरो देशको हावापानी निकै सफा र स्वच्छ छ । मेरो देशमा धेरै हरियाली छ । यहाँ धेरै नदीनालाहरू छन् । नेपालमा धेरै मठ मन्दिरहरू छन् । सुन्दर देश नेपाल घुम्नको लागि थुप्रै पर्यटकहरू नेपाल आउँछन् । नेपालमा गौतम बुद्धको जन्म भएको थियो । पृथ्वी नारायण शाह, अमरसिंह थापा, सीता, जनक, भृकुटी आदि राष्ट्रिय विभूति नेपालमा जन्मिएका थिए । नेपालीहरू बहादुर र सहयोगी छन् । मलाई मेरो देशको धेरै माया लाग्छ ।