Written by: Pranik K.C - 33025, Grade IV
Posted on: 09 September, 2024
परिचयःचिम्पु र चिम्पान्जी कथा यशु श्रेष्ठले लेख्नुभएको हो। यस कथामा देव कोइमीले चित्र भर्ने काम गर्नुभएको छ। यस कथामा सातवटा कथाहरू छन् । ती कथाहरू हराएको पेन, गाउँमा बाँदर, चिम्पु र चिम्पान्जी, गुडिया र घुँगी, झ्यालको पट्टु र साथी जुनकिरी कथा हुन् । यी सबै कथा चित्रकथा हुन् । यी कथाहरू खोजी प्रकाशन गृह प्रा.लिबाट प्रकाशन भएको हो । यी कथाहरूमध्ये मलाई चिम्पु र चिम्पान्जी कथा राम्रो लाग्यो ।
कथावस्तुः चिम्पु र चिम्पान्जी चित्रकथामा चिम्पु नामको एउटा केटा हुन्छ । उसले धेरैपटक चिडियाखानामा गएर वनमान्छे हेरेकाे छ तर अझै वनमान्छे हेर्ने धाेकाे पूरा भएकाे हुँदैन् । ऊ स्कुलबाट फर्कँदै गर्दा बाटोमा चिम्पान्जीका ठुला ठुला पोस्टरहरू देख्छ। चिम्पुले पोस्टरमा चिम्पान्जी साँच्चिकै जस्तो देख्छ। चिम्पुले वनमान्छेसँग खेल्ने धोको पूरा हुने भयो भनेर सोच्छ । उसले चिम्पान्जीलाई बेसरी बोलाउँछ। उसलाई चिम्पान्जीले फ्लेक्स बोर्ड हल्लाएको, चिम्पान्जीको हात ऊतिर आएको, चिम्पान्जीले उसको निदार मसारिदिएको, दुवैजना जङ्गल घुमेको सम्झन्छ। केहीबेर पछि उसको साथी आएर चिम्पान्जीको धेरै क्रेजी नहुनु भन्दै चिम्पुलाई घर लान्छ।
असल पात्रः याे कथाकाे असल पात्र चिम्पुकाे साथी हो किनकि उसले चिम्पुलाई दिउँसै सपना नदेख भन्छ ।
खराब पात्रः खराब पात्र चिम्पु हो किनकि उसले दिउँसै चिम्पान्जीको सपना देख्छ ।
निष्कर्षः यस कथाबाट हामीले आफ्नो काम छोडेर नचाहिने कुरामा अल्मलिनु हुँदैन, आफ्नो काममा ध्यान दिनुपर्छ भन्ने सन्देश पाउछाैँ ।
