Written by: Pranjal khatiwada - 2022013, Grade X
Posted on: 28 September, 2020
अशेष एउटा टेस्ट क्रिकेटको शृङ्खला हो । जसमा दुई राष्ट्र अस्ट्रेलिया र बेलायतबीच प्रस्तिस्पर्धा हुन्छ । भनिन्छ; यो क्रिकेटको सबैभन्दा पुरानो दुस्मनी हो। आशेस कि बेलायत कि त अस्ट्रेलियामा खेलिन्छ । यसमा सबैभन्दा सानो उपहार भए पनि त्यसको इतिहास दुई राष्ट्रका लागि धेरै नै महत्त्वपूर्ण छ । दुई दुई वर्षको अन्तरालमा यो शृङ्खला ५ खेलको हुन्छ । यदि यो शृङखला बराबर भयो भने पहिलो पटक जुन टोलीले जितेको थियो त्यही टोलीले नै अशेष आफ्नो राष्ट्रमा फर्काउँछ ।
अशेषको इतिहास १७०० वर्ष जति पुरानो छ । भनिन्छ, सन् १८८२ मा अस्ट्रेलियाको टोली बेलायत आएर " ओवल " भन्ने मैदानमा उनीहरूको घरमै उनीहरुलाई पहिलो पटक हराएका थिए । त्यसकारण बेलायतमा भनियो कि बेलायतको क्रिकेट मरेको छ र त्यसको खरानी (अशेष) अस्ट्रेलियाले लैजाने छ । त्यसपछि बेलायतका कप्तान एवो ब्लिघले अस्ट्रेलियामा गएर शृङ्खला जितेर आफ्नो गएको सम्मान र अशेष बेलायत फर्काउने निर्णय गरे । त्यसैअनुसार बेलायती टोली अस्ट्रेलिया गए र खेले पनि । उनीहरुले खेल जिते । त्यसै समयमा त्यहाँ एउटी युवती उपस्थित भइन् । ती युवतीले कप्तान इवो ब्लिघसँग विवाह गरिन् । त्यही महिलाले उनीहरूले खेल जितेको समयमा डन्डीको माथि राखिने बैल्सलाई जलाएर एउटा सानो भाँडोमा राखेर बेलायती टोलिलाई प्रदान गरिन् अनि बेलायतको टोली अशेषसहित फेरि बेलायत फर्के । यसरी नै एउटा सानो भाँडामा भएको चिजलाई दुई राष्ट्रबीच क्रिकेटको मैदानमा खेल सङ्घर्ष चलिरह्यो । अहिले २०१९ को कुरा गर्दा अशेष अस्ट्रेलियासँग छ। सबैभन्दा बढी अशेष शृङ्खला अस्ट्रेलियाले जितेको छ। अस्ट्रेलियाले हालसम्म ३३ शृङ्खला जितेको छ । रनको कुरा गर्दा सर डोनाल्ड ब्रद्मनले ५,०२८ सर्वाधिक रन जोड्न सफल भएका छन् । उनी एक अस्ट्रेलियाली खेलाडी हुन् । सबैभन्दा धेरै विकेट सेन वर्नले १९५ लिएका छन् । उनी पनि अस्ट्रेलियाली खेलाडी नै हुन्।
यसरी क्रिकेट खेल जगतमा अशेषको आफ्नो बेग्लै इतिहास छ । प्रत्येक दुई दुई वर्षमा दुवै राष्ट्रका खेलाडीलाई आफ्नो अस्तित्व बचाउने होड अशेषले केन्द्रित गर्छ ।