Written by: Subigya Raj Kharel - 29065, Grade VIII
Posted on: 29 April, 2024
बिहानको प्रहरमा हावा चल्यो सरर
चिसो चिसो हावामा जिउ भयो थरर
फूल कति फूलबारीमा बास्ना चल्यो हरर
रुखका पातहरू गर्न थाले फरर
नदीनाला बगे हेर आवाज गर्दैै कलकल
प्रकृतिमा रम्न मलाई मन लाग्छ हरपल
पूर्वतिर आकाशभरि छरिएछ लाली
चराहरू गीत गाउँछन् खेल्दै डाली डाली
हिमाल कति अडिग छ, उँचो राखी शिर
पहाड राम्रो कतै पाखा, कतै देख्छु भीर
तराईमा धानका बाला झुले लहलह
पूर्णिमाको आकाशमा जून टहटह
कुहु कुहु कोइली गाउँछ जङ्गलमा हाम्रो
मयूर नाच्छ पंख फिँजाई हेर कति राम्रो
मृग खेल्छन् उफ्री उफ्री हेर साथी वनमा
यस्तो देख्दा रमाइलो लाग्छ मेरो मनमा
लालीगुराँस फुल्दा हेर पाखै भयो रातो
मुटु छेऊ बसेको छ मेरै देशको माटो
बगैँचामा डुल्छिन् हेर पुतलीकी रानी
हाम्रो देश प्राकृतिक सुन्दरताको खानी