मेरो घरको कुकुर

Written by: Kashvi Satyal - 33010, Grade III

Posted on: 25 December, 2023

मेरो घरको कुकुरको नाम लुफी हाे । लुफी एक वर्षको भइसकेको छ । लुफीलाई दुध, रोटी, भात, मासु, अन्डा र दही मन पर्छ । लुफी जन्मेको पन्ध्र दिन हुँदा हामीले उसलाई गाउँबाट ल्याएका थियौँ ।  लुफीले हामीसँग खेल्न साह्रै रहर गर्छ । ऊ सानोमा धेरै ज्ञानी थियो । अहिले बदमास भएर चकचक गर्छ तर ऊ माया लाग्दो छ । उसको शरीरको रङ सेतो छ । उसको शरीरमा लामा राैँहरू छन् । मेरी हजुरआमालाई ऊ मन पर्दैन । उसको राैँ धेरै झर्ने गर्दछ । उसलाई पानीदेखि डर लाग्छ । उसको पुछर लामो छ । हाम्रो घरमा कोही नयाँ मान्छे आउनुभयो भने उहाँलाई देखेर अति नै भुक्छ र सबैजना डराउनुहुन्छ । हामी उसलाई महिनाको एकपटक नुहाइदिन्छाैँ । म स्कुलबाट आएपछि मलाई देखेर उसले पुच्छर हल्लाएर नाच्छ । म, दादा र लुफी भएर सधैँ बल खेल्छौँ । उसले मुखले बल टोकेर भाग्छ र हामी समात्न जान्छौँ । हामीसँग बल खेल्दा लुफी धेरै रमाउँछ ।