जुनकिरी

Written by: Aarav Timilsina - 28028, Grade VIII

Posted on: 26 November, 2023

झिलिमिली बल्छ रातमा, घुम्छ आँगनभरि 

                                बत्ती बनिदिन्छ आफैँ, छ धेरै नै राम्री 

                                 अँध्यारोमा झपझप बल्छ, प्रकाशले भरि 

                                   दुखमा नै साथ दिने, उसको जिम्मेवारी 

 

                                   रात परे उठ्छ घुम्न, घुम्छ चारैतिर  

                               आफैँभित्र उज्यालाे छ छैन केही पिर 

                                 मोति झैँ चम्किरन्छन्  राति  साना किरा 

                                तारासँगै बाल्छन् किरा , मनमा बसेर 

        

                           बिहानीको किरणमा कता हराउँछन् ?

                           बत्ती अनि , प्रकाशमा , कहाँ लुक्न  जान्छन् 

                           पुष्पको रागमा नाच्दै , सुरमा गुन्गुनाउँदै 

                            सुर्यास्तमा निक्लिन्छन् है  आफैँ रमाउँदै 

 

                          किन बल्छन्  कसलाई के थाहा ? यिनी साना  किरा 

                           प्रकृतिका चमत्कार हुन् , प्रकाशका  हिरा 

                           अब मिर्मिर परेपछि , बत्ति निभ्दै जान्छ 

                               पङ्ख फैलाएर , ज्योति आफैसँग लान्छ