Written by: Prasanna Dhungel - 28021, Grade VIII
Posted on: 22 November, 2023
अग्ला अग्ला भवन ठडाएर काठमाडौँ देशको राजधानी भएछ
भित्र यसो निहालेर हेरेको त बालश्रम अझै रहेछ ।
यस्तो विकसित भए पनि यहाँ बालशोषण भएकै छ
गालीदेखि लिएर पिटाइसम्म बालकले सहेकै छ ।
बाल अधिकारका कुरा भाषणमा मात्र सीमित नराखौँ
आऊ अब यसको विरोध गर्नतिर हामी पनि लागौँ ।
ती बालकहरू नै हुन् भविष्यमा देश चलाउनेहरू
ती बालकहरू नै हुन् भविष्यका कर्णाधारहरू ।
विश्वप्रचलित नेपाल हरेक पर्यटकको गन्तव्य स्थल भएको छ
तर, जति राम्रो देश भए पनि यहाँ बाल शोषण भएकै छ ।
बाहिरबाट हेर्दा मात्र राम्रो देखिने यो मेरो देश
भित्री समस्या लुकाएर प्रख्यात भएको यो मेरो देश
ती बालकहरूले पनि पढ्न र लेख्न पाउनुपर्छ
गाउँमा दौरा र घास काट्न छोडी अघि बढ्न पाउनुपर्छ ।
ठुलो घरमा बस्ने पढी लेखेका बालकहरू नि छन्
१ छाक खानको लागि बाटोमा फोहोर टिप्ने बालकहरू नि छन् ।।
बालकलाई घरको काममा लगाउनु हुन्न
बालकको आँसु कहिले बगाउनु हुन्न ।
बालकहरू नै कारखानामा खट्छन् बनेर कामदार
हामी सबै मिलि ती बालकलाई दिनुपर्छ बाल अधिकार । ।