Written by: Dhiraj Chapagain - 2022007, Grade X
Posted on: 07 September, 2020
यो सहर हो,
यहाँ अपराध हुन
मुग्लान पसे जस्तो साइत हेर्नु पर्दैन
बाहुन भान्सा पसे जस्तो धोती फेर्नु पर्दैन,
यहाँ धेरै मान्छे नेता भए
तर, कोही नेता मान्छे - भएनन्।
यहाँ गल्ली गल्लीमा कतै सामान बिक्छ,
त कतै कसैको जीवन बिक्छ,
यहाँ पैसाको नाममा कतै जोबन बिक्छ त
कसैको इमान बिक्छ ।
यहाँ हरेक दिन टेबुल तल
र माथिबाट कारोबार हुन्छ ,
त्यस्ता भ्रष्टाचारीलाई कुन कानुन र सरकारले छुन्छ?
यो सहर सत्ता र शक्तिको
भोकाको दास बन्नु परेको छ,
यहाँका मानिस भित्र भित्रैबाट गनाउने लास बन्नु परेको छ
यहाँ राम्रा-राम्रा सामान किन्ने रहर हुन्छ,
तर महँगी किन्ने होइन ,
मन सारा संसार डुल्न खोज्छ,
तर आफ्नै छिमेकीलाई चिन्दैन।
