Written by: Suvani Karki - 29055, Grade VII
Posted on: 30 October, 2023
अनुपमा, ए, अनुपमा यहाँ आ त । अनुपमाकी आमाले चर्काे आवाजले बाेलाइन् । अनुपमा आफ्नाे लठ्ठी खाेज्दै भान्सातिर गई । अनुपमा काे हुन् भन्नु पर्दा अनुपमा ११ वर्षकी कक्षा ५ मा पढ्ने सानी बालिका हुन् । अनुपमा हामी जस्ती हाेइन उनी अपाङ्ग छिन् । उनी यसकाे कारण दुःखी त छैनन् तर उनी यस पछाडिकाे घटना कहिलै बिर्सिन्नन् ।
अनुपमा सानै हुदाँकाे घटना हाे । अनुपमाकाे बुबा प्राय बाहिर बस्नुहुन्थ्यो तर उहाँले कहिल्यै पनि आफ्नो जागिर अनुपमालाइ भन्नुभएकाे थिएन तर पनि अनुपमा आफ्नो बुबाको जागिर थाहा पाउन उत्सुक रहन्थिन् । एकदिन अनुपमा सामान्य हुँदाको बेला बुबा छुट्टीमा घरमा आउनुभएको थियो । छुट्टीमा आएको बेला अनुपमालाई बुबाले घुमाउन लैजानुभयो। अनुपमा हर्षित भई । घुमेर घर फर्कदाकाे समयमा उनकाे बुबाको गाडी चल्न बन्द गर्याे। उनी र उनको बुबा अत्तालिनुभयाे । घरमा आमा एक्लै थिइन् । औँसीको दिन थियो, राति झमक्कै अँध्यारो हुन्छ भन्ने भएर घर जानुपर्छ भन्ने उनीहरूलाई थाहा थियो । गाडी नचले तापनि उनीहरूले साझा बसमा जाने निर्णय गरे । निकै बेर कुरेपछि एउटा गाडी आयो । गाडी खाली थियो। सायद भखरै मान्छे छोडेर आएको जस्तो। उनीहरूले सोधे “ लोकन्थलीसम्म पुर्याइदिन्छाै ?” । गाडीको चालकले रिसाउँदै अहँ भनेर जवाफ दियो । बाबु छोरी साँझको झिसमिसेमा दोधारमा परे । अनुपमाको बालाई छोरी अँध्यारामा हिँड्न डराउँछे भन्ने थाहा थियो । सायद त्यही दिन बाबु छोरीको भाग्यमा दाेष थियाे । बाटोको छेउमा बसेका बाबुछोरीलाई एक्कासी दुई जना प्रहरीले शङ्कास्पद रुपले हेर्न थाले । अनुपमा निकै डराई । उसको बुबाले उसलाई नडराऊ भन्दै सम्झाउँन थाले अनुपमा बिचरी प्रहरी देखेर डरले रुन लागी । उनीहरू त्यहाँबाट उठेर प्रहरीसँग मद्दत माग्न थाले । प्रहरीले छेउको चोकमा गएर कुर्ने सल्लाह दिए । औँशीको रातको अन्धकार सबैतिर फैलियो । उसै डराएकी अनुपमा झन झन् धेरै डराउन थाली । प्रहरीकाे सुझाव अनुसार उनीहरू चोकमा गएर उभिए । चाेकमा एउटा मधुरो बत्ती बलिरहेको थियो । एउटा साझा बस मान्छेको भिड लिए आयाे । बुवा छाेरी त्यही गाडीमा चढे । अनुपमा एक महिलाकाे काखमा गएर बसी । ऊ त्यहीँ निदाई । केही बेर गाडि हुँइकिएर चल्याे तर अचानक गाडीमा जाेडले ब्रेक लाग्याे । अनुपमा निद्राबाट बिउँझी र उसले जे देखी सायदै कसैले सम्झना गर्न पनि सक्छ हाेला । अनुपमाले रगतले लत्पतिएकाे शरिर जताततै देखी । त्याे गाडी ठुलाे दुर्घटनामा परेछ । याे कुरा समेत अनुपमालाइ जान्न गाह्ये भयाे । त्यस गाडीमा एक जना थियाे । ऊ हतारिदै काटिएकाे हात लिएर भाग्याे । त्यस पछिकाे कहानी अनुपमालाई थाहा छैन रे तर सायद सत्य बाँकी छ कि ।
त्याे दिनपछि अनुपमाले घरमा एउटा सानाे बुवाकाे चिनाे गाडी र एउटा सानाे गुलाबकाे बाेटमात्र पाएकी छ । त्यस दिन पछि ऊ त्याे डराउने अनुपमा हाेइन फेरिएकी अनुपमा भएकी छ, निकै धेरै फेरिएकी अनुपमा ।।