Written by: Rushina Tamang - 26008, Grade X
Posted on: 28 September, 2023
तिम्रो लागि त यो बगेको रगत,
यो बगेको पसिना र यी तितो आँसु केही होइनन्,
यी घाउहरूको गहिराइले मलाई दुख्न छोडिसके माया,
किनकि यी घाउ तिम्रो अभावको भावना भन्दा गहिरो छैनन् ।
हाम्रो भेट फेरि होला कि नाई,
यसको उत्तर मेरो मनले फिर्ता पाउन सक्छ हाेला कि !
हामी धेरै अभागी परेछौँ माया,
अभाग्याले पनि हाम्रो मायालाई
अन्त्य गर्न सक्दैन हाेला है ।
त्यसैले त्यो अन्तहीन पर्खाइको दुःखमा नडुब माया,
त्यो पनि साँचो भ्रमलाई आफ्नो सत्य नबनाऊ ।
हाम्रो बितेको पलहरूलाई सम्झिदै खुसी हुनु,
हाम्रो आउने पलको सोचमा आफ्नो मुहारमा मुस्कान ल्याऊ।
आउने सुन्दर पलको आशामा,
तिम्रो भावी जीवन साेचे जस्तै हाेओस् ।
यात्रा अन्तहीन र उजाड नबनाेस्
जीवन रङ्गीन र सफल बनाेस् ।