मन र दिमाग

Written by: Bishop Chalise - 29010, Grade VII

Posted on: 25 September, 2023

मनमा मेरा छन् जिज्ञासाहरूको ताँती

जसको समाधान खोज्न मन रहेको छ तड्पी ।
 

मनले भन्छ यो गर दिमागले भन्छ त्यो गर 

मन र दिमागको झगडामा म फसेको छु नराम्ररी ।
 

रुखको भाँचिएको हाँगा जस्तो भयो मेरो जिन्दगी

के भयो भनेर भन्नको लागि मसँग क्षमताको कमी ।
 

भजन गरूँ गीत गाउँ के गरूँ त म 

मन र दिमागको दोधारमा परेको छु म 
 

जिउँदै मरे जस्तो पीडा भोगिरहेको छु म

जसको औषधि खोज्न तड्पिरहेको छु म ।
 

खोज्न सकिन मैले औषधी कयौँ प्रयासपछि पनि

दुखाइले मर्नलाई सके पीडा सुन्दैन कोही पनि
 

भनिन्छ भावनाको कुरामा सुन्नुपर्छ मनको कुरा

 भनिन्छ गम्भीर कुरामा सुन्नुपर्छ दिमागको कुरा
 

न त यो भावनात्मक कुरा हो न त गम्भीर यो त हो जटिल कुरा 

यस्तो जटिल जस्को न त कारण छ न त समाधान सत्य हो यो कुरा