मेरो घर

Written by: Amu Shakya - 27021, Grade IX

Posted on: 21 September, 2023

यो दिल मेरो सधैँ रमाउँछ, मेरो आफ्नै घरमा

आकाश नीलो छ, मनोहर, सुन्दर ऋतम्भरा

छानामा छ खर, ढुँगाको आँगन निकै रमणीय

अपार्टमेन्टभन्दा प्यारो छ मेरो आफ्नै घर । 

 

चौरमा खेलिरहेको मृगशावकलाई 

ब्वाँसोले निमोठेको मलाई मन पर्दैन

देश द्राेही काेही भए मलाई मन पर्दैन,

राष्ट्रघाती काेही भए मलाई मन पर्दैन ।

 

घर छ सानो तर घरका मानिसहको मन ठुलो

भौगोलिक रूपमा सानो तर मेरो लागि ठुलो, 

भौगोलिक रूपमा सानो  तर मन छ ठुलाे 

प्याराे, मेरो जन्मभूमि यही, मातृभूमि यही ।

 

हरियाली छ चारैतिर, बिचमा मेरो घर

उत्तरमा चीन, दक्षिणमा भारत यही मेराे घर

विविधतामा एकता कायम छ, मेरो देशमा

धार्मिक विविधता भित्र एकता मेराे देशमा ।

 

जबसम्म अस्तित्व छ, चन्द्रसूर्यको, 

तबसम्म बाँच्ने छ मेरो देश

जबसम्म वीर गोरखालीको अस्तित्व छ, 

तबसम्म रहन्छ मेरो देश

बेग्लै भाषा र अनेकाैँ भेष ।