Written by: Aahyan Panta - 25072, Grade XI
Posted on: 14 September, 2023
परीक्षाको अवधि समाप्त भएपछि मैले पाठ्यपुस्तक र कक्षाकोठाकाे सिकाइलाई थाती राखेँ ।
बाहिरको संसारलाई पुनर्जीवित गर्ने र अन्वेषण गर्ने मौकाको रूपमा मैले बाकिँ समयलाई लिएँ ।
किन किन मलाई प्रकृति औधी मन पर्छ ।
मैले यही बिचमा पद यात्रा गरेँ ।
बिहान सबेरै साइकिलिङ गर्नुकाे मज्जा नै बेग्लै । थकाइ पनि उत्तिकै तर आनन्दभित्रकाे थकाइकाे मज्जा नै बेग्लै ।
यात्राले चारैतिरकाे वातावरण बुझ्न, नयाँ पाठहरू, नयाँ अनुभवहरू दिलाउँछ नै ।
यही बिचमा ऐतिहासिक स्थलहरू घुम्न पनि गएँ । याे कुरामा मलाई मेरी मामुले सहयाेग गर्नुभयाे ।
चित्रकला पनि मेराे रूचिकाे विषय हाे । क्यानभास, ब्रस र रङ्गहरूको त्यति बेला मेरा साथीहरू भएँ । घन्टाैँ समय बिताएकाे पत्ताे नै नहुने कस्ताे गजबकाे पल ।
यही बिचमा मैले चित्रकला सम्बन्धी भिडियाेहरू पनि हेरेँ । ताैरतरिकाबारे थाेरै भए पनि जानकारी हासिल गरेँ ।
साेचेँ, ज्ञानकाे क्षेत्र कति फराकिलाे छ ।
मैले केही अनलाइन पाठ्यक्रमहरूबारे पनि खाेज गरेँ ।
मैले मेरो बुबाको व्यापारको बारेमा पनि अवलोकनसँगै आफ्नो जिज्ञासा मेटाउने पनि मौका पाएँ ।
मैले मामूलाई खाना पकाउने, भाँडा सफा गरिदिने काममा पनि सघाएँ । मैले केही खानाका रेसिपिहरू पनि हेरेँ । बनाउने प्रयास पनि गरेँ ।
भान्साकोठा नै मेरो प्रयोगशालामा बन्याे । मिठाे खाना बनाउनु पनि ठुलाे कला रहेछ । मैले बल्ल व्यवहारतः बुझेँ ।
वातावरण संरक्षणका लागि समाजका सदस्यहरूसँग मिलेर मैले पनि रुख रोप्ने अभियान, सरसफाइ गर्ने अभियान र सचेतना कार्यशालाहरूमा पनि भाग लिएँ ।
यी कामले म खुशी थिएँ ।
मेराे जीवनमा यी क्षण निकै नै गुणात्मक रहे भन्ने मेराे बुझाइ हाे ।
सबैभन्दा बढीआमाबाबा पनि निकै खुशी थिए ।
म खेलप्रेमी पनि छु । यही समयमा कहिलेकाहीँ त अबेलासम्म खेलहरू पनि हेरेँ ।
याे समयमा मैले पुस्तकहरू पढ्ने पनि समय निकालें ।
समग्रमा परीक्षापछिको मेरो दिनचर्या रमाइलाेसँग नयाँ अनुभवका साथ व्यतित भयाे ।
