पुस्तक पढ्ने बानी

Written by: Shreeyan Sangat - 32023, Grade IV

Posted on: 13 September, 2023

किताब ज्ञानको भण्डार हो । हामीले ज्ञान प्राप्तिको लागि पुस्तक पढ्नुपर्छ । हामीले आफ्नो कक्षाको किताबका साथै अरु किताब पढेर ज्ञान बढाउनुपर्छ । हामीले सधैँ कार्टुनको मात्र किताब पढ्न हुँदैन । आफूलाई फुर्सद भएको बेलामा ज्ञान विज्ञानका किताब पढ्नु सबैभन्दा राम्रो बानी हो । किताब धेरै प्रकारका हुन्छन्। जस्तै: कथा, कविता, निबन्ध र विज्ञान तथा प्रविधि,सामाजिकअध्ययन,स्वास्थ्य सम्बन्धी किताब आदि ।  किताब हाम्रो साथी हो । फुर्सद भएको बेलामा आफूसँग किताब भयो भने हामीलाई समय बिताउन गाह्रो हुँदैन । विद्यार्थीहरूले आफ्नो उमेरअनुसारका किताब पढ्नुपर्छ । मेराे विद्यालयमा पुस्तकालय छ । हामी पुस्तकालयमा गएर आफूलाई मन पर्ने पुस्तक खाेजेर पढ्छाैँ । मलाई पनि पुस्तक पढ्न मन पर्छ ।