Written by: Aayaan Rai - 31006, Grade V
Posted on: 08 September, 2023
२०६१ सालमा माओवादीसँग नेपाल सरकारको शान्ति सम्झौता भएपछि नेपालमा नयाँ राज्य व्यवस्था लागु गर्न संविधान सभाको निर्वाचन हुने भएको थियो । २०६४ सालमा संविधान सभाको चुनाव भएको थियो। २०६५ साल जेठ १५ गते बसेको पहिलो संविधान सभाले नेपालमा गणतन्त्र स्थापना गर्ने निर्णय गरेको थियो । उक्त दिनदेखि नेपालमा २०० वर्षदेखि शासन गर्दै आएको शाह वंशीय राजतन्त्रको अन्त्य भएको थियो । जेठ १५ गतेका दिन नेपालमा गणतन्त्र दिवसलाई भव्यताका साथ मनाइन्छ । यस दिन काठमाडौँको टुँडीखेलमा सैनिक मञ्चमा देशका उच्च पदस्थ व्यक्तिहरूको उपस्थितिमा देशका ३ अाेटा सुरक्षा अङ्गहरूबाट शान्तिका प्रतीक परेवाहरू उडाइन्छ । साथै हेलिकप्टरबाट रङ्गीचङ्गी फूलहरूको वर्षा गराइन्छ । गणतन्त्र दिवस नेपालीहरूका लागि एउटा महत्त्वपूर्ण दिन हो।
