मलाई मनपर्ने खानेकुरा

Written by: Nirvik Gurung - 32022, Grade IV

Posted on: 07 September, 2023

मलाई मन पर्ने खानेकुरा धेरै थरीका छन् । त्यसमध्ये पनि मलाई  म:म असाध्यै मन पर्छ । म:म साह्रै स्वादिलो मिठाे हुन्छ । मलाई मासु हालेर बनाएकाे म:म मिठाे लाग्छ । म:म  बनाउँदा मासु, लसुन, प्याज आदि पिठाेमा हालेर बनाउन सकिन्छ । म:म बनाउन पहिले पिठाेलाई मुसेर केहीबेर छाेप्नुपर्छ । त्यसपछि मासुमा लसुन,प्याज र मसलाहरू राखेर राम्ररी मुस्नुपर्छ । त्यसपछि मुसेर राखेकाे पिठाेलाई सानाे सानाे राेटी बनाएर बेल्नुपर्छ । त्यसपछि मुसेको मासुलाई राेटीमा पोको पारेर बफाएर खान सकिन्छ । म:मलाई आफ्नो इच्छाअनुसार विभिन्न प्रकारको बनाउन सकिन्छ । जस्तैः पनिर म:म, तरकारी म:म, मासु म:म आदि । मलाई सबै प्रकारका म:म मिठाे लाग्छ । म:म घरमै बनाएर खाँदा स्वस्थकर हुन्छ । पसल वा हाेटलमा बनाएकाे म:म  स्वस्थकर नहुन पनि सक्छ । त्यसैले म बाहिरको म:म कहिलेकाहीँ मात्र खान्छु ।