Written by: Sonu Lama - 27013, Grade IX
Posted on: 16 August, 2023
पल्लाे घरमा बुबाआमाकाे झगडा
सबै घरले सुने रातदिनकाे झगडा
बुवा घरबाहिर अर्कोसँग खै कता कता
आमा खान कुरिरहने घरमा यता
आमालाई रिस उठेर कराउने बर्बराउने
बुवा भने आफ्नो हात गाेडा लर्बराउने
बाले आमा कुटेर कराउने आफैँ हराउने
छोराछोरी कता कता हेरेर राेइरहने
बिचरा अबाेध बालकहरू हेरिरहन्छन्
उनीहरूको सपना त्यही सबै रोकिन्छन्
खै कता ठाेकिन्छन् र बा कता झाेकिन्छन्
उनीहरू राेइरहन्छन्, बेसहारा जस्तै
सबैको आफ्नो बाध्यता यस्तै यस्तै हुन्छ
जीवनमा सानो तिनो कुरा मात्रै हाेइन याे
आफ्नो छोराछाेरीकाे भविष्य पनि हाे याे
बाआमा जन्मदाता मात्र हाेइनाै
कर्मदाता पनि हाै, संरक्षक पनि हाै ।