मनसुन

Written by: Drishtanta Raj Sapkpota - 32045, Grade IV

Posted on: 07 August, 2023

पानी धेरै पर्ने महिनालाई मनसुन भनिन्छ । मनसुनकाे समयमा पूर्वी नेपालबाट पानी पर्न थाल्छ र मध्यभाग हुँदै पश्चिम लाग्छ । अरूबेला पानी पर्दा बिहान दिउँसाे प्राय: चर्काे घाम लाग्छ तर मनसुनकाे समयमा बिहानैदेखि कालाे बादल मडारिन्छ । नेपालमा मनसुन असारमा सुरु हुन्छ । मनसुनको महिनामा जताततै हरियाली हुन्छ । पानी परिरहने भएकाेले शीतल भएकाे महसुस हुन्छ । मनसुनको बेलामा किसानहरूले खेतमा धान रोप्छन् । किसानहरूले लगाएकाे बालीनाली सप्रन थाल्छन् । मनसुनकाे समयमा औसतभन्दा बढी पानी परेमा प्राकृतिक विपद देखापर्छ । मनसुनकाे समयमा धेरै पानी पर्ने भएकोले खोला ठुलो हुन्छ । धेरै ठाउँमा बाढी आउँछ । बाढीसँगै धेरै ठाउँमा पहिराे पनि जान्छ । मनसुनको बेला मलाई पानीमा भिज्न रमाइलो लाग्छ तर हामी पानीमा धेरै भिज्याैँ भने बिरामी हुन्छाैँ । मलाई मनसुनका महिनाहरू एकदमै मन पर्छ ।