Written by: Ujjwol Dhakal - 33023, Grade III
Posted on: 27 July, 2023
हाम्राे स्कुलमा हरेक वर्ष नयाँ कक्षा सुरु भएपछि एक महिना गृहभ्रमण कार्यक्रम चल्ने गर्दछ । त्यसै क्रममा यो वर्ष पनि जेठ १ गते देखि सुरु भएर जेठ ३२ गते अन्त्य हुने गरेर याे कार्यक्रम चलेको थियो । त्यस कार्यक्रममा मैले पनि सहभागिता जनाएको थिएँ । गृहभ्रमण भन्नाले शिक्षक शिक्षिकाहरू विद्यार्थीको घरमा गई विद्यार्थी र अभिभावकसँग गर्ने कुराकानी भन्ने बुझिन्छ । मेरो घरमा पनि सरिना महर्जन शिक्षिका आउनुभएको थियो । मेरो घरमा आएर मेरी आमा र मसँग लामो कुराकानी भयो । मलाई पनि शिक्षिका घरमा आउनुभएकोमा रमाइलो लाग्यो । हामी तीन जनाका बिचमा रमाइला रमाइला कुराकानी भए । शिक्षिका घरमै आएर कुराकानी गर्दा मेरो बारेमा उहाँले धेरै कुराहरू थाहा पाउनुभयो । उहाँ एक घण्टा ३० मिनेट जति मेरो घरमा बस्नुभयो। कुराकानी सकिएपछि मेरी आमाले मिठो खाजा बनाउनुभएको रहेछ हामीले खाजा खायौँ र शिक्षिका पनि विद्यालय जानुभयो ।
