हाम्रो टोल

Written by: Bishrant Sitaula - 32006, Grade IV

Posted on: 18 July, 2023

हाम्रो टोलको नाम पनेकु मार्ग  हो । यो सिफल काठमाडौँमा छ । हाम्रो टोलमा धेरै घरहरू छन् । घरहरू नयाँ र पुराना दुवै छन् । कुनै घर अग्ला छन् भने कुनै घर होचा छन् । हाम्रो टोलमा एउटा पार्क पनि छ । पार्कमा धेरै मानिसहरू आएर बस्छन् । त्यहाँ मानिसहरू घुम्न आउँछन् । हाम्रो टोलमा धेरै पसलहरू छन् । हाम्रो टोलकाे बाटाेमा गाडीहरू आउँछन् । हाम्रो टोलकोनजिकै भण्डारखाल जङ्गल छ । त्यहाँ धेरै बाँदरहरू बस्छन् । भण्डारखालनजिकै पशुपतिनाथको मन्दिर पनि छ। पशुपति मन्दिरमा धेरै मानिसहरू दर्शन गर्न आउँछन्। त्यहाँ बागमती नदी पनि छ। हाम्रो टोलमा धेरै विद्यालयहरू छन् । हाम्रो टोलको माथिल्लो भागमा सिफल चाैर छ । चौरको दायाँबायाँ दुईवटा विद्यालयहरू छन् । हाम्रो टोलका मानिसहरू विभिन्न काम गर्छन् । हाम्रो टोलमा काेही मानिसहरू डाक्टर छन्। काेही इन्जिनियर छन् । काेही नर्स छन् । काेही पसलमा काम गर्छन् । हाम्रो टोलबाट धरहराको टुप्पो पनि देखिन्छ। हाम्रो टाेल वरिपरि धेरै कुकुरहरू छन् । हाम्रो टोलमा धेरै बाँदरहरू आएर दु:ख दिने गर्दछन् । हाम्रो टोल सफा र सुन्दर छ।