Written by: Aiunkeen Karki - 31046, Grade V
Posted on: 17 July, 2023
मेरो घर ओखलढुङ्गा हो। म २ वर्ष अगाडि ओखलढुङ्गा गएकी थिएँ। म गाउँ जाँदा गाउँमा केही कुराको पनि सुविधा थिएन। हामी कुवामा जाँदा कुवा सुकेको थियो । घरमा इन्टरनेटको सुविधा थिएन। गाउँमा पसल नहुनाले केही किन्नको लागि टाढा जानुपर्थ्यो। पानी लिन टाढा जानुपर्थ्यो। गाउँमा मोटरबाटो थिएन । धेरै वर्षपछि गाउँ जाँदा मलाई खुसी भन्दापनि दुःख लागेको थियो। मैले यी सबै कुरा गाउँका मुखियालाई भन्ने विचार गरेँ । म मुखियाको घरमा गएँ तर घरमा भेट भएन। उहाँ त बाटोमा साना केटाकेटीको बिचमा हुनुहुँदो रहेछ। केटाकेटीलाई चकलेट पनि दिँदै हुनुहुन्थ्याे। उहाँले मलाई देख्नुभयो। तिमीले पनि खान्छाैँ भन्नुभयो। मैले खान्न भनेँ । मैले पानी, इन्टरनेट, मोटरबाटो र पसलको बारेमा मुखियालाई भनेँ। गाउँमा धेरै जम्मा भएका थिए। सबैलाई यी सबै कुरा बताएँ । यस विषयमा छलफल भयाे । म केही समयपछि गाउँ जाँदा गाउँ परिवर्तन भएकाे रहेछ । गाउँमा ठाउँ ठाउँमा धारा बनेका रहेछन् ।