अनुशासनको महत्त्व

Written by: Rabi Harsha Adhikari - 32013, Grade IV

Posted on: 16 June, 2023

अनुशासन भनेको नियममा बसेर कामहरू राम्रोसँग गर्ने सही तरिका हो । यसका लागि दिमाग र शरीरमा नियन्त्रण चाहिन्छ । अनुशासन भावनाको विकास आफैँले गर्नुपर्दछ । अनुशासनले हामीलाई  सही समयमा गर्न र सही निर्णय गर्न मद्दत गर्छ । अनुशासनबिनाको जीवन सफल हुन सक्दैन । हामीले हामीभन्दा साना भाइबहिनीहरूलाई माया र आफूभन्दा ठुलाहरूलाई सम्मान गर्नुपर्छ । यसरी माया र सम्मान गर्ने क्रममा केही सामाजिक नियमहरूको पालना गर्नुपर्दछ । अनुशासनमा हामीले वरिपरि रहेका देश-विदेश, समाजका आ-आफ्ना नियमको महत्त्व हुन्छ । यदि हामीले अनुशासनको पालना गरेनाैँ भने हाम्रो दैनिक जीवनमा असहज हुन्छ । हावा, पानी, जमिनले हामीलाई बाँच्ने आधार दिन्छ । देश, विदेश, समाज, समुदाय आदि अनुशासनबिना अव्यवस्थित हुनेछ किनभने सबै चिजलाई अनुशासनको आवश्यकता पर्छ । अनुशासन प्रकृति हो जुन प्रकृतिले बनाएको सबै कुरामा उपस्थित हुन्छ । व्यवस्थित तरिकाले कार्य गर्दा अनुशासनको विकास गर्न मद्दत गर्दछ । यी सबै अनुशासनका महत्त्व हुन् ।