Written by: Sangay Sherpa - 30030, Grade VI
Posted on: 12 June, 2023
२०७५ सालकाे बुद्ध जयन्तीको अघिल्लाे दिन बुबा र काकाले मनकामना जाने योजना बनाउनुभयो। म त्यो दिन धेरै खुसी हुँदै सुतेँ ।भोलिपल्ट म बिहानको चार बजे उठेँ र नित्यकर्म सकेँ। त्यसपछि मैले भगवान्को प्राथना र पूजा गरेँ । बाबाहरू अलि ढिलो उठ्नुभयो किनभने उहाँहरू ढिला सुत्नुभएको थियो ।बाबा र काकाले नित्यकर्म सकाएपछि हामी मनकामना दर्शनको लागि घरबाट हिड्यौँ । लगभग ५ घण्टा जतिको यात्रापछि हामीहरू मनकामना पुग्यौँ । ५ घन्टाको यात्रा गर्दा हामीलाई थकाइ लागेको थियो । केबलकार चढ्नुभन्दा अघि हामीले खाजा खायौँ । हाम्रो थकान पनि मेटियो । मनकामना मन्दिर पुग्नको लागि हामी केबलकार चढ्यौँ । केबलकारभित्र मलाई डर लागेको थियो । डर सँगै रमाइलो अनुभूति पनि भएको थियो । लगभग १० मिनेटपछि हामी मन्दिरमा पुग्यौँ । त्यसपछि हामीले भगवान्काे पूजापाठ गर्यौँ । केही समय मन्दिर वरिपरि घुम्यौँ ।फोटाहरू खिच्यौँ । यसपछि हामीले घर फर्किने तयारी गर्यौँ । बेलुका ७ बजेतिर त्यहाँबाट गाडीमा चढ्यौं ।राति १२ बजेतिर काकाको घरमा आइपुग्यौँ त्यो दिन हामी काका कै घरमा बस्यौँ । राति भएको हुनाले हामी काकाको घरमा नै सुत्यौँ । म बिहान उठेँ अनि बाबालाई उठाएँ । त्यसपछि बाबा र म आफ्नो घरमा गयौँ किनभने मेरो विद्यालय सुरु हुन लागेको थियो करिव ८ बजेतिर हामी घरमा पुग्यौँ। खाजा नास्ता खाएपछि म विद्यालय गएँ । मेरो मनकामनाको यात्रा बुद्ध जयन्तीको समयमा परेको थियो ।मैले यो यात्रा कहिल्यै भुल्न सक्दिनँ । यसरी मेरो मनकामनाको यात्रा पनि समाप्त भयो।