मेरो विद्यालय

Written by: Anshuman Shah Thakuri - 32046, Grade IV

Posted on: 06 June, 2023

मेरो विद्यालयको नाम सिफल स्कुल हाे । मेरो विद्यालयमा धेरै विद्यार्थीहरू पढ्छन् । मेरो विद्यालयमा एउटा ठुलो चौर छ । मेरो विद्यालयको चौरमा हामी भकुन्डाे खेल्छौँ । यहाँ कक्षा एकदेखि कक्षा बाह्रसम्म पढाइ हुन्छ । मेरो विद्यालय निकै सफा र सुन्दर छ । यहाँ विभिन्न कक्षाकोठाहरू छन् । हामी ती कक्षाकोठामा पढ्छाैँ र  लेख्छाैँ । यहाँ अतिरिक्त क्रियाकलापका लागि पनि कक्षाहरू छुट्याइएका छन् । विद्यालयमा हामी अतिरिक्त क्रियाकलापमा सामेल हुन्छाैँ । मेरो विद्यालयमा सबै शिक्षक शिक्षिकाहरू मायालु स्वभावका हुनुहुन्छ । मेरा साथीहरू मिलनसार र सहयोगी छन् । मलाई मेरो विद्यालयमा साथीहरूसँग फुटबल र बास्केटबल खेल खेल्न मन पर्छ । मेरो विद्यालयमा नेपाली, सामाजिक, अङ्ग्रेजी, गणित, विज्ञान, संस्कृत विषयको पढाइ हुन्छ । यहाँ मासिक पुस्तकका रूपमा एउटा नेपाली र एउटा अङ्ग्रेजी किताब पढ्न पाइन्छ जसले गर्दा मेरो पढ्ने बानीमा सुधार भएको छ । मलाई मेरो विद्यालय निकै मन पर्छ । मेरो विद्यालयमा हरेक शनिवार र आइतवार बिदा हुन्छ । यहाँ धेरै खेल्ने कुराहरू पनि छन् । मलाई सधैँ मेरो विद्यालय जान मन पर्छ किनकि मलाई मेरो विद्यालय धेरै प्यारो लाग्छ ।