Written by: Aayusi Shrestha - 26002, Grade X
Posted on: 26 May, 2023
समय कहिल्यै फर्किएर आएन
मैले यसलाई धेरै माया गरेँ
तर, यसले कहिल्यै मलाई धाएन
मलाई सम्झेर पनि कहिल्यै आएन ।
समयले हामीलाई बालक बनायाे,
बालकबाटै जवान बनायाे,
जवानबाटै बुढाे बनाउँदै छ ।
हामी बुढो हुँदैछौँ
हाम्रो क्षमता पनि हाम्रो उमेरसँगै
बुढाे हुँदै छ, हाम्राे जीवन पनि ।
समयलाई जान नदिनू त्यसै
बरू समयसँग अगाडि बढ्नू
उसकै सहारा लिनू
उसैलाई पछ्याएर हिँड्नू ।
सुन्नुस् है ! समयले मलाई जस्तै
तपाईंलाई पनि कहिल्यै पर्खिने छैन
त्यसैले समयअनुसार अघि बढाैँ
आफ्नो समय व्यवस्थापन गर्नू
समयकै भर पर्नू ।
तपाईंले आफ्नो लागि गर्नू
कसैले कसैको लागि गरेकै छैन
अरूकाे खल्ती भरेकै छैन
के तपाईं पनि समयजस्तै
स्वार्थी नै बन्नुहुन्छ त ?