पानीको महत्त्व

Written by: Shubha Shree Malla - 31030, Grade V

Posted on: 17 May, 2023

पानी हाम्रा लागि धेरै महत्त्वपूर्ण कुरा हो । हामीले पानी खाना पकाउन, खेतीपातीको काम गर्न, घर सफा गर्न, भाँडा माझ्न, लुगा धुन तथा अन्य विभिन्न कामका लागि प्रयोग गर्छौँ । पानीबाट खेतबारीमा अन्न फल्छ । पानी भयो भने पृथ्वी सुख्खा हुन पाउँदैन । चारैतिर हरियाली हुन्छ । हामीले पानी खेर फाल्नुहुँदैन । हाम्रो देश नेपाललाई पानीको धनी देश मानिन्छ । पानीबिना हामी मानिस, पशुपन्छी, बोटबिरुवा कोही पनि बाँच्न सक्दैनन् । पानीले गर्दा नै हामी बाँचेका छौँ । त्यही भएर हामीले पानीलाई बचाएर राख्नुपर्छ । आवश्यकताअनुसार मात्र खर्च गर्नुपर्छ ।