Written by: Meemansha Acharya - 23027, Grade XII
Posted on: 24 March, 2023
तयार पार्नुछ मलाई एउटा लेख
तर किन यो मन एकाग्र हुन मान्दैन
साँच्चै लेख लेख्न गार्हो पो रहेछ
अझ गार्हो त एक विषयमा केन्द्रित भएर
लेख लेख्न पो रहेछ ।
एउटा विषयमा लेख्छु भनी बसेको म
हराएँ आफ्नै झ्याली दुनियामा
लेख्दालेख्दै कता हराएँ
थाहा छैन मलाई
गर्दै छु प्रयास, हराए पनि म
तर फेरि पनि हराएँ म ।
आउँछन्, अनगिन्ती विचार मगजमा
खोज्छु त्यसलाई उतार्न कलमले
तर किन सक्दिनँ भनी प्रश्न गर्छु,आफैँलाई
त्यही प्रश्नमा फेरि पनि हराउँछु म ।
यही विषयमा नै लेख्छु
म जे देख्छु त्यही लेख्छु
भनेर बसेको म
खोइ कता पो हराएँ
एकछिन आफैँसँग डराएँ ।
आफैँलाई खोज्दा खोज्दै
मेराे लेख कता पुग्याे कता !
साँच्चै लेख लेख जस्तो भयो वा भएन ?
तर फेरि पो थाह पाएँ
लेख्दालेख्दै हराएछु म ।