Written by: Swodhin Bhandari - 24048, Grade XI
Posted on: 23 March, 2023
समय राेकिदैन तिम्रो लागि, बुझ तिमी मात्र यो,
संसारमा कुद्ने तिमी मात्र हैन, हेर तिमी मात्र त्यो ।
सोध आफैँलाई खोज आफैँभित्र आफूलाई,
बुझ तिमीलाई अघि लैजाने, के होला त्यस्तो !
संसार छ लोभी, तिमीलाई मान्छे गन्दैन,
केही गरी नदेखाए तिमीलाई राम्रो भन्दैन,
छोडिदेउ संसारको पछि लाग्न ए बालक ! तिमी,
आफैँभित्र हेर, आफूलाई नियालेर हेर ।
दिन नसकुँला म तिम्रा प्रश्नका उत्तर
तर आफू नै उत्तर बनिदिउँला तिम्रा लागि,
हाेऊ आफैँ सक्षम, अरूको पछि लाग्न छाेड अनि
थाह पाऊ समाजले तिम्रो खुट्टा तानेको त्याे सत्य पनि ।
यी शब्द कोर्दै छु कागजमा म तिम्रा लागि
खोज्दै छु म अन्धकारमा उज्यालाे तिम्रा लागि
के होला त्यस्तो, मलाई खोज्न बाध्य बनाउने,
के त्यो त्रास त हैन तिमीलाई गुमाउने ?
नराम्रो आश गर्दिन
म तिमीबाट कत्ति पनि
अरूले त्यागी गए पनि,
तिम्राे प्याराे मानिस छँदै छ नि
यी शब्द जुन मैले कोरेँ
त्यसको अब प्रश्न साेधेँ ?
यो संसार जित्न तिमीलाई कोही चाहिँदैन
केवल तिम्रा आफ्नाहरू भए पुग्छ ।
अरूको पछि नलाग तिमी
आफू भए हुन्छ तिमीलाई ।
