Written by: Rushina Tamang - 26008, Grade IX
Posted on: 23 March, 2023
समुद्र जस्तो निलो
रुख जस्तो हरियो
गुच्चा जस्तो आकार
हेर्दाहेर्दै फेरियो।
अघिल्लो दृश्यमा लड्डु
पछिल्लोमा रसगुल्ला
खुट्टा तल सुजीको पिठो
र चाैतर्फी जमिन खुल्ला।
खैरो लगाउने व्यक्ति
जहाजबाट झर्छ
सेतो टोपी पहेँलो मास्क
काँ.… मात्र गर्छ।
ए बाबु, एउटा प्रश्न सोधूँ ?
पहिला भन त, बाबु को हौ तिमी ?
म तपाईंको दोस्रीको नाती,
ए.….
ल भन बाबु केको जवाफ चाहिने हाे ।
तपाईं कुन चाहिँ राज्यको बासी ?
जसले दुवै हातले थामेको छ साथी
जसकाे हुन्छ बादल, टाउकोमाथि
जता हाम्रो घर छ नाति
हुँ म त्यही राज्यको जाति।
राज्यको बासी हुन घर चाहिँदो रहेछ।
नमस्ते हजुर ए मानिस
सारै अचम्मकाे रहेछाै तिमी
थाहा छैन ? मानिस व्यक्ति एउटै हो भनि,
ल भन तिमी के सेवा लिने ?
मलाई घर किन्नु छ हजुर।
आफ्नो नाम भन्नुहोस् तपाई
नाम लेख्दिनुहाेस् न मेरो आफैँ
के भन्छ यो मान्छेले ?
मजाक लागिरहेकाे छ तँलाई ?
कताबाट आएको हँ तँ ?
नाम पनि थाहा छैन, तँलाई आफ्नै ?
तपाईंको नजिककाे ठाउँबाट आएको म
मलाई थाहा छैन यो संसारको नाम के हो ?
चुप लागेर घर किन्न दिनु न मलाई
ताकि म यो राज्यको बासी हुन सकूँ
ए, मैले चिने तेरो असली रूपलाई
तँ अवैध आप्रवासी यो देशमा छिर्न आएको।
मेराे त बास छ न प्रवास नै
म त भर्खर मात्र झरेकाे
एक राज्यविहीन व्यक्ति ।।