Written by: Surabhi Ghimire - 26012, Grade IX
Posted on: 17 March, 2023
एलेक्स र ज्याक मिल्ने साथी थिए । यिनीहरूबिचमा समय समयमा खटपट परिरहन्थ्याे । एलेक्स एक नायक थियो । नराम्रोको लागि कुनै बहाना हुँदैन । गल्ती गर्नेहरूले सजाय पाउनै पर्छ, र न्याय सधैँ कालो र सेतो हुन्छ भन्ने विश्वास उसको थियो । तर, उनले ज्याकलाई भेटे । ज्याक एक खलनायक थियो । उसकाे स्वभाव नै हत्या, हिंसा र समाजमा कलह फैलाउने खालकाे थियाे । उसले एलेक्सको रगत उमाल्ने कामहरू गरेको थियो । उनीहरूबिच एकआपसमा कुराकानी हुँदा पनि ज्याककाे बारेमा एलेक्सले थप केही कुरा थाहा पाएकाे थियाे । ज्याकले आफू एक गरिब परिवारमा हुर्केकाे कुरा एलेक्सलाई भनेकाे थियाे । त्यसैले ऊ हिंसा र निराशाले घेरिएकाे थियाे । उसले आफ्ना साथीहरूसँगकाे सम्बन्ध, परिवार र आफ्नाे जीवनलाई केही न केही गरेर भए पनि अगाडि बढाउनुपर्ने थियाे । गलत कार्य गरेर भए पनि जीवन जिउनु थियाे । पछिल्लाे समयमा यस्ता किसिमका अपराध र अपराधीहरूलाई समाजले निस्तेज पार्ने रणनीति अवलम्बन गरेकाे थियाे । ज्याकले सुरुमै थाहा पाएकाे थियाे कि उनीसँग दुई विकल्पहरू छन् : नियमहरू अनुसार कुनै पनि कार्य गर्ने र पूरा गर्न सङ्घर्ष गर्ने वा नियमहरू तोड्ने र आफूले चाहेको कुरा लिने । सुरुमा, ज्याकले बाँच्नको लागि मात्र चोरी गर्ने गर्थ्याे तर पछि गएर उसले आफूभित्र भएकाे क्षमतालाई पहिचान गर्याे र फरक तरिकाबाट आफ्नाे काम गर्न थाल्याे ।
यस्ताे किसिमकाे गतिविधि जुनसुकै परिस्थितिमा पनि बाहिर सक्ने अवस्था हुन्छ भन्ने कुरामा पनि सजग थियाे । कुनै पनि परिस्थितिबाट बाहिर निस्कन सक्छ । जब उसले अधिक शक्ति र प्रभाव प्राप्त गर्यो तब आफूलाई गरीबहरूको च्याम्पियनको रूपमा देख्न थाल्यो । धनीहरूबाट चोर्ने र गरिबहरूलाई दिने । एलेक्सले ज्याकको कथा भारी हृदयले सुन्याे । ज्याकका अनुभवहरूले उनलाई यो बाटोमा कसरी डोऱ्याएको थियो ? उहाँ हुर्केको संसारले कसरी सही र गलतको भावनालाई विचलित पारेको थियो भनेर उसले देख्न सक्यो। अझै, एलेक्सलाई थाहा थियो कि ज्याकले के गरिरहेको थियो त्यो अझै गलत थियो । एलेक्स र ज्याकका बिचमा एक प्रकारकाे दुश्मनी थियाे । केही अप्रत्याशित अवस्था सिर्जना भयाे । ज्याकले एलेक्सलाई शत्रुको रूपमा होइन, मित्रकाे रूपमा हेर्न थाल्याे । एलेक्सले ज्याकलाई विराेधीका रूपमा नभई आफ्नै सङ्घर्ष र पीडा भएको व्यक्तिको रूपमा हेर्न थाल्याे ।
अन्तमा, एलेक्स र ज्याक सबै कुरामा एकअर्कासँग सहमत त भएनन्, तर उनीहरूले आपसी समझदारी गरेका थिए । उनीहरूलाई थाहा थियो कि आआफ्ना कर्म क्षेत्रहरू रहेका छन् । यसरी शत्रुवत् व्यवहारभन्दा मित्रवत् व्यवहारले नै सम्बन्ध लामाे समयसम्म रहने गर्दछ भन्ने कुरालाई आत्मसात गरी अगाडि बढे ।
