Written by: Sonishma Basnet - 23059, Grade XII
Posted on: 01 March, 2023
“बेलुन आयो, बेलुन !
लाै बेलुन आयो बेलुन !!”
भन्दै हिँड्छन उनीहरू
बेलुन आयो बेलुन भन्दै
भिडमा दौडन्छन् उनीहरू ।
उनीहरू जसबाट सास फेर्न सक्दै गर्दा
हातखुट्टा चाल्न सिक्दै गर्दा,
लुटियो बाल्यकाल उनीहरूकाे
स्कुलमा पाइला टेक्न नपाउँदै
इकोनोमिक्सको पाठ सिकाइयो ।
उनीहरू जसले परिवारको पेट पाल्न
आफू जत्रैलाई बेलुन र चकलेट बेच्नुपर्छ,
उनीहरू जो दुई छाक टार्नलाई
आमाबुवा सरहका मान्छेसँग १० रुपैयाँका लागि बाझ्नुपर्छ ।
अनुनय विनय गर्नुपर्छ ।
न घाम न पानी भनी दिनभरि
गर्छन् व्यापार उनीहरू
न धुँवाधुलो न हुरी बतास भई हरेकदिन
गर्छन् व्यापार उनीहरू एक छाककाे
आफ्नो जन्मभूमी र जन्मदिने आमा छोडी
आएका काम गरी खान उनीहरू
उज्यालो भविष्य र सादा जीवनकाे खाेजीमा
एकादेशको कथा उनीहरू स्वयं नै
दुनियाको हेपाइ र भेदभाव सहनुपर्ने जीवन
उनीहरूले सहजै थाम्न सकेका छन् ।
“बेलुन आयो बेलुन”
भन्दै हिँड्छन उनीहरू
“बेलुन आयो बेलुन”
भन्दै दौडन्छन् उनीहरू ।