Written by: Samikshya Dahal - 24053, Grade XI
Posted on: 24 February, 2023
समय महत्त्वपूर्ण कुरा हो । यो सधै सँगै चलिरहेको छ । हामी यसलाई रोक्न केही गर्न सक्दैनौँ । मानिसहरू कहिलेकाहीँ महसुस गर्छन् कि तिनीहरूसँग पर्याप्त छैन, तर समय सधैँ हाम्रो लागि त्यहाँ छ । यसले हामी कत्तिको व्यस्त छौँ वास्ता गर्दैन, यो नगएसम्म यो चल्न रोकिने छैन । आफ्नो समयलाई बुद्धिमानीपूर्वक प्रयोग गर्नु महत्त्वपूर्ण छ । जीवनमा सफल भएका व्यक्तिहरू आफ्नो समयको सदुपयोग गरी सफल भएका हुन् । विद्यार्थी जीवनमा सफल हुनका लागि नियमित विद्यालय जानु, पुस्तकालयमा गई विभिन्न कुराकाे अध्ययन गर्नु, शिक्षाका लागि आवश्यक अन्य कुराहरूकाे खाेजी गर्नु आवश्यक हुन्छ ।
एक बुद्धिमान् व्यक्तिले आफ्नो समयकाे सदुपयाेग बुद्धिमानीपूर्वक प्रयोग गर्दछ र खुसीसाथ जीवन बिताउँछन् । आफ्नो समयलाई बुद्धिमानीपूर्वक सदुपयोग गरेर इतिहासका महापुरुषहरू महान् भएका छन् । कुनै पनि व्यक्तिले कुनै पनि क्षेत्रमा समयकाे महत्त्व बुझेर काम गरेमा विश्व प्रसिद्धि कमाउन सक्छ । यस्तै दुर्घटनामा परेकाे व्यक्तिलाई समयमै अस्पताल पुर्याइयो भने बाँच्न सक्छ । समयमै रेल स्टेसनमा पुग्ने व्यक्ति सजिलै आफ्नो गन्तव्यमा पुग्न सक्छ । तोकिएको समयमा परीक्षा दिने विद्यार्थीहरू आफ्नाे कार्यमा सफल हुन्छन् । हामीलाई यो सबै थाहा भएर पनि हामी केही नगरी हाम्रा जीवनकाे बहुमूल्य समय त्यसै खेर फालिरहेका छाैँ ।
समयको शक्तिशाली र बलवान् छ । मानिसहरू एक समयमा धेरै शक्तिशाली देखिन सक्छन्, तर तिनीहरू अर्को समयमा धेरै कमजोर पनि हुन सक्छन् । समय एक बहुमूल्य चिज हो, र हामीले यसलाई बुद्धिमानीपूर्वक सही ठाउँमा प्रयोग गर्नुपर्छ । विश्वमा, समयकाे सही सदुपयाेग गर्ने मानिसहरूले मात्र सफलाकाे शिखर चुमेका छन् । संसारमा आफूलाई चिनाउन सफल भएका छन् । इतिहासका पानामा आफ्नाे नाम लेखाउन सफल भएका छन् । आजको बच्चा भोलि जवान बन्न सक्छ, आजको जवान भोलि बूढो बन्नै पर्छ। समयकाे महत्त्व सबैले बुझ्नैपर्छ ।
