Written by: Manasbhi Niraula - 29015, Grade VI
Posted on: 15 February, 2023
औँशीको रातमा चम्किने जुनकिरीजस्तै
अँधेरीमा उज्यालो छर्ने जुनजस्तै
उदाउँदो सूर्यको किरणमा
चम्किने हिमालजस्तै
चम्किन सकूँ म देशको लागि
आकाशमा चम्किने ध्रुवताराजस्तै
अशिक्षाको कालो दाग
पूर्णिमाको जुन बनी
गरिबको कठ्याङ्ग्रिने जाडो
पारिलो घाम बनी
बाबा आमाको लागि
श्रवण कुमार बनी
दिनदुखीको लागि
मदर टेरेसा बनी
विश्वमा शान्ति छर्न
गौतम बुद्ध बनी
देशको सीमाना रक्षाको लागि
मेरा पुर्खाहरूजस्तै वीर बनी
हटाउन सकौँ देशको दुख
देशको सच्चा सपुत बनी