Written by: Shreyansh Pokharel - 24039, Grade XI
Posted on: 14 February, 2023
समय भनेको कहिलै रोकिदैन,
यसले कसैको पनि भार बोक्दैन,
समयलाई बुझ्न सक्यो भने जीवन असल हुन्छ,
नत्र काम टार्छु भन्ने कुरो यसले पनि सुन्छ ।
काम भनेको दिने बित्तिकै गर्नुपर्छ,
नत्र अप्ठ्यारो आफैलाई पर्छ,
काम समयमा नगर्नेलाई समयले दण्ड दिन्छ,
त्यो दण्डलाई हामीले टार्न असम्भव हुन्छ ।
समय भनेको रोक्न नसकिने चिज हो ।
मानिसलाई अनुशासित बनाउने एउटा बिज हो,
समयले भनेको कुरा मान्नु पर्छ,
नत्र हामीले समयले दिएको सजाय भोग्नुपर्छ ।
न हामी यसलाई रोक्न सक्छौँ,
न यसले हामीलाई रोक्छ नै,
हामीले जे गरे पनि, जसाे गरे पनि
समयले हामीलाई धकेलिरहन्छ ।
फूल फुल्नु र ओइलाउनु जस्तै दिन र रात बित्छ
राम्रो कामलाई समयले सधै “ठिक छ” भन्छ
जीवन भनेको निकै छोटो छ
यसलाई सदुपयोग गर्न समयले सिकाउँछ ।
समय एक अबिरल गति हो
जसले आफ्नो यात्रा कहिल्लै मेट्दैन
समय एउटा असल चिज हो
जाे अल्छी छ उसलाई कहिल्यै भेट्दैन ।
हाम्रो जीवनलाई अनुसाशन दिने शिक्षक हो समय
हामीलाई सफल बनाउन सहयोग गर्ने शिक्षक हो समय
सधैँ मेरो सदुपयोग गर भन्छ, समयले,
नत्र हामीलाई तल झार्न उसले आफैँ खाल्टो खान्छ ।