Written by: Rushina Tamang - 26008, Grade IX
Posted on: 14 February, 2023
किन नसुतेको छोरा ?
भोलि निद्रा पूर्ण नहोला,
तिमीलाई आनन्दले सुत्न न दिने,
के कुरा तिम्रो दिमागमा चलिरहेको होला ?
ल, भन मलाई छोरा,
तिम्रो दिमागमा के चलिरहेकाे होला ?
भोलि नयाँ स्कुल जाने म
मेरो दिन कस्तो होला ?
उत्तर यसकाे छैन छोरा,
भाेलिकाे दिन कस्ताे हाेला
भन्ने कुरा छाेडाैँ न त,
के भोली मैले साथी बनाउँछु होला ?
उत्तर यसकाे छैन छोरा,
के तिमीले भोलि साथी बनाउँछाै हाेला ?
साथीको कुरा छाेडाैँ न त,
के मैले राम्ररी पढ्न सक्छु होला ?
उत्तर यसकाे छैन छोरा,
के तिमी राम्ररी पढ्न सक्छौ होला ?
कुनै प्रश्नको उत्तर नभए,
म भोलि स्कुल कसरी जान सक्छु होला ?
उत्तर म भन्न सक्दिनँ होला,
तर, उत्तर तिमी भित्र छ छोरा।
भोलि तिम्रो दिन कस्तो होला ?
यो तिमीमाथि भर पर्छ छोरा ।
