मुस्कुराउनै पर्ने ?

Written by: Yojana gautam - 23068, Grade XII

Posted on: 03 February, 2023

सबै भन्छन् मलाई सधैँ,
“तिमी कसरी यति धेरै मुस्कुराउन सक्छ्याै ?
तिमीलाई  दुःख छैन ?”
प्रश्न गर्छन् मलाई ।
रुने कारण छरप्रस्ट नभएका पनि हाेइनन् ,
म निकै  नै अटेरी छु ।

मुस्कुराउने बाहाना खोजिरहन्छु, 
रोएको कसैले देखेनन्  ।
देखे पनि कसले बुझेनन्। 
त्यसकारण मैले आफूले आफैँलाई, 
वाचा गरेकी छु  ।
दुख भुलाउन भए पनि म ,
दुनियाको अगाडि मुस्कुराइरहने छु ।

कहिले  रोएको देखेर शत्रुले, 
केही भन्छन् कि भनेर 
कहिले  रोएको देखेर समाजले
कायर भन्छ कि भनेर,
सधैँ यो ओठमा आफैँ हाँसो आइरहन्छ  ।
गज्जब अटेरी मन छ, 
न मुस्कुराऊँ म भने पनि 
आफैँ मुस्कान आइहाल्छ  ।