Written by: Aayusi Shrestha - 26002, Grade IX
Posted on: 02 February, 2023
किशोरकिशोरीहरू आजकल निरन्तर दबाबमा छन् । यो पुस्ता संवेदनशील छ भनी समाजले भन्न सक्छ तर मानिसहरूले याे उमेर समूहलाई धेरै दबाब दिएका हुन्छन् । किशोरावस्था आफैँमा एक कठिन समय हुन सक्छ तर आजका किशोरहरूले धेरै चुनौतीहरूको सामना गर्छन् । जुन पुरानो पुस्ताहरूले अनुभव गर्नु पर्दैन । किशोरकिशोरीहरूले विद्यालय, भविष्य र समाजको अपेक्षा पूरा गर्छन् भन्ने बारेमा अविश्वसनीय दबाबको सामना गरिरहेका छन् । सबैलाई केही गर्नको लागि केही दबाब चाहिन्छ तर यदि उनीहरू लगातार दबाबमा रह्यो भने सबै कुरा बोझ जस्तै लाग्न थाल्छ । धेरै दबाबले तनाव निम्त्याउन सक्छ । अधिकांश किशोरकिशोरीहरूले धेरैजसो कुराहरूमा तनाव लिन्छन् । गृहकार्य र परीक्षा सबैभन्दा ठूलो कारण हो । स्कुलपछि थकित अवस्थामा गृहकार्य गर्दा निराशाजनक भइन्छ । कुनै विद्यार्थीले गृहकार्य पूरा गरेन भने अधिकांश शिक्षकहरूले गाली गर्छन् र अर्काे तनाब पनि थपिने गर्छ । त्यसैले धेरै समस्याहरू सिर्जना हुने गर्छन् । अत्यधिक गृहकार्य भएपछि सुत्न वा खानकाे समय पनि सहज रूपमा प्राप्त गर्न सकिदैन ।
परीक्षा आवश्यक छ तर विद्यार्थी फेल भएमा अर्काे दबाब हुने गर्दछ । परिवार तथा समाजले बुझ्नुपर्छ कि परीक्षामा अनुत्तीर्ण हुँदैमा सबैकुरा बिग्रीहाल्ने हुँदैन । जब एक किशोर वा किशोरी धेरै दबाबमा हुन्छ त्यसकाे परिणामबारे पनि बुझ्नु अति आवश्यक हुन्छ । यदि कुनै विद्यार्थीले गृहकार्य गरेकाे छैन भने उसलाई गाली गरेर उसकाे भावनालाई दबाउने प्रयास गर्नुहँदैन । किशोरकिशोरीहरूले दबाब महसुस गर्नुको अर्को कारण आमाबाबु र आफन्तहरूबाट सधैँ सर्वाेत्कृष्ट अङ्कसहित सफलता प्राप्त गरिदिनु । आमाबाबु तनावको प्रमुख कारण हुन् किनभने आफ्ना छोराछोरीलाई केही गर्न मद्दत गर्नुको सट्टा उनीहरूलाई अरूसँग तुलना गर्छन् र आफ्नै छाेराछाेरीहरूलाई कमजाेर बनाइदिन्छन् । समाजले यो पुस्ताको लागि बढी अपेक्षाहरू सिर्जना गरेको छ । सबैजना सबै कुरामा पूर्ण हुनुपर्छ भनेर । किशोरकिशोरीहरूमा पनि राम्रो देखिनको लागि पनि दबाब भएकाे अनुभूति हुन्छ । समाजले बनाएको सौन्दर्यकाे अदृश्य मापदण्डले धेरै मानिसहरूलाई आफ्नो बारेमा नराम्रो महसुस गराउँछ । हामी सबैको नजरमा शारीरिक रूपमा पनि दबाब सहनुपर्छ । यी समाजले हामीलाई बताउने केही कुराहरू मात्र हुन् । हामीले किशोरकिशोरीहरूका लागि अस्वभाविक अपेक्षाहरू सिर्जना गर्नु हुँदैन जसले उनीहरूलाई दबाब दिन्छ र धेरै तनाव निम्त्याउँछ। यदि कोही तनावमा छ भने यसले उनीहरूलाई धेरै नकारात्मक असर गर्छ । यसरी तनावलाई समयमा नै समायोजन गर्न सकेनौँ भने धेरै दबाबमा परेर आत्महत्या गर्ने सोच नआउला भन्न सकिन्न। यसमा हामी सबै सचेत हुनुपर्छ । किशोरकिशोरीहरूको स्वास्थ्य र लागि हानिकारक हुन सक्छ । यदि उनीहरूले लामो समयदेखि सहन गरिरहेका छन् जस्तो देखिन्छ भने सबैले किशोरकिशोरीमाथिको दबाब कम गर्नुपर्छ । अन्त्यमा, यो पुस्ता यति धेरै दबाबमा पर्नुको कारण समाजले उनीहरूबाट धेरै अपेक्षा गरेको हो । हामीले किशोरकिशोरीहरूलाई दबाब दिनु हुँदैन। बरु हामीले तिनीहरूलाई बुझ्ने प्रयास गर्नुपर्छ र तिनीहरूलाई आफूलाई अझ राम्रो र सहज महसुस गराउनुपर्छ।
