Written by: Angel Dhimal - 25002, Grade X
Posted on: 24 January, 2023
आमाले रुदै लगाइदिएकाे टिकाे
बहिनीले आफ्नाे हातले उनेकाे माला
लगाएर घरबाट हिडेका मेरा पाइला
कहिले फर्किन्छन्,निधाे नभएकाे म
उडेँ आफ्नाे देश छाेडी
मनमा केही गर्छु कि भन्ठानी
दुख्याे याे मन र राेए ती आँखा
छाेडेर जाँदा याे आफ्नाे मन
साथीभाइ परिवार छाेडेर
जान कसलाई लाग्छ र मन
कति हाे कति सपना त्यागी,
आफ्नाे शिरबाट हटाउन रिन
नजाऊँ भने पनि रिनकाे भारले दिएन
फर्केर छिट्टै आऊँ भने जागिरले मानेन
आखिर एउटा चरा भएर उडेकाे म
पिँजडामा कैदी भएर बन्द भएँ म