Written by: Yojana Gautam - 23068, Grade XII
Posted on: 18 January, 2023
कसैलाई याद गर्न वा मनमा राख्न,
कहाँ त्यति सजिलो छ र ?
मनमा अनेक भावना अनि
अनि आएका तितामीठा सम्झना,
सायद कसैसँग नभेटेको भए,
सायद केही घटना नभएको भए
मनमा घृणा नै घृणाको भाव जगाउँदा पनि
यादहरू आउँदैनथे होला ।
यो याद मलाई भ्रम जस्तो लाग्छ
तर, कहिलेकाहीँ भ्रममा हुँदा पनि केही क्षण
कति आनन्ददायी हुने रहेछ
के उसको याद मेरा लागि भ्रम हो त ?
आफूले आफैँलाई सम्झाए फेरि उही प्रश्न ।
शब्दले व्यक्त नगरी तिमी र मेरो नाता
रातो रङ्ग र रगतभन्दा,
पनि गाढा कति बेला बन्नपुग्यो
त्यो त हामी दुईले थाहा पाउन सकेनौँ
अहिले,
जब जब यादले आँशु तिल्पिलाउँछ,
तब तब म ती कुरा सम्झेर
मनलाई शीतलता दिने कोसिस गर्छु ।
जीवनको यादबाट कोल्टो फेर्न चाहान्छु
तर, खै सक्दिन .
त्यसैले
मेरो जीवनको ऋतुजस्तै सुन्दर
याद थियो त्यो र सधैँ हुनेछ।