पेसाको महत्त्व

Written by: Mehan Rauniyar - 31014, Grade IV

Posted on: 18 January, 2023

हाम्राे समाजमा मानिसहरूका विभिन्न पेसाहरू छन् । कुनै पेसा ठुला वा साना हुँदैनन् । सबै पेसाका फाइदा हुन्छन् । सबै पेसा आफ्नाे जीवनका लागि महत्त्वपूर्ण हुन्छन् । मानिसहरूका  पेसाहरू डाक्टर, पसले, इन्जिनियर, डकर्मी आदि विभिन्न हुन्छन् । सबै पेसाका महत्त्वहरू छन् । कृषकहरूले बाली लगाउँछन् । उनीहरूले अन्न उत्पादन गरेर हामीलाई अन्न खुवाउने काम गर्छन् । डकर्मी पनि एउटा महत्त्वपूर्ण पेसा हो यदि डकर्मीहरू भएनन् भने हामी आफ्नो वासस्थानविना नै बस्नुपर्ने हुन्छ । यसरी डाक्टर, इन्जिनियरका पनि आफ्नै विशेषता रहेका हुन्छन् । हामीले सबै पेसाको सम्मान गर्नुपर्दछ । सबै पेसामा मानिसहरूले उत्तिकै मिहिनेत गरिरहेका हुन्छन् र आफ्नो पेसा सबैजनालाई राम्रो र उत्कृष्ट लाग्छ । आफ्नो पेसाबाट मानिसहरूले फाइदा उठाएर जीवन चलाइरहेका हुन्छन् ।