मलाई मन पर्ने पुस्तक

Written by: Ridika Gurung - 31024, Grade IV

Posted on: 16 January, 2023

 
मैले धेरै विषयका किताबहरू पढेको छु । किताब पढ्दा धेरै रमाइलो हुन्छ । हामी विद्यालयमा नेपाली, गणित, विज्ञान, अङ्ग्रेजी, सामाजिक शिक्षा, संस्कृत आदि धेरै किताबहरू पढ्छाैँ । मलाई  नेपाली विषय धेरै मन पर्छ । नेपाली किताब पढ्दा कविता, कथा पढ्न पाइन्छ । कवितामा मलाई लक्ष्मीप्रसाद देवकोटाले लेख्नुभएको कविता धेरै मन पर्छ । म धेरै कथाहरू पनि पढ्छु र त्यस भित्रका चित्रहरू पनि मलाई हेर्न मन पर्छ । मलाई लक्ष्मीप्रसाद देवकोटा ज्यूको मुनामदन भन्ने किताब धेरै मन पर्छ । मुनामदनका श्लाेकहरू जस्तैः
क्षेत्रीको छोरो यो पाउ छुन्छ, घिनले छुँदैन 
मानिस ठुलो दिलले हुन्छ, जातले हुँदैन ।
हातका मैला सुनका थैला, के गर्नु धनले 
साग र सिस्नु खाएको बेस आनन्दी मनले । 
यी श्लाेकहरूले  मेरो मन छोएको छ । त्यस्तै अरु कथाका किताबहरू पनि मलाई पढ्न मन पर्छ । हामीले सबै किसिमका किताबहरू पढ्नु पर्छ । सबै किताबहरू पढेर धेरै किसिमका ज्ञान पनि प्राप्त गर्न सक्छौँ ।  किताब पढिसकेपछि हाम्रो दिमाग पनि निखारिन्छ । हामीले संसारका धेरै कुराहरू थाहा पाउन सक्छौँ र हामी ज्ञानी हुन्छाैँ ।