Written by: Subir Acharya - 24072, Grade XI
Posted on: 16 December, 2022
किन रुन्छ यो मन देख्दा यो दुर्दशा
यो दु:ख, यो कष्ट मलाई मात्र हो कि,
कहाँ जानु अब याे व्यथा म बाेकी
भएर नि मनमा नदेखिएकाे हाे कि ?
किन लुकाऊँ म मेरो पीडा याे ?
देखाउन खाेज्छु सबैलाई पीडा याे
थाहा पाउन् सबैले म काे र कहाँ छु
कुनै अन्धकारभित्र म भित्र जहाँ छु ।
कति फैलाउनु यी पापी हात
दिँदैनन् त कसैले अब साथ ,
अब रहेनन् साथी, रहेन कुनै मित्रता
जानी नजानी म त भासिएछु कता ?
अघि बढ्ने, मेहेनत गर्ने को छ र यहाँ
खुट्टा तान्दै अघि बढ्ने सबै छन् यहाँ
देख्छु म सबैको आँखामा शत्रुता ।
मानवता नै हराएको आभास हुँदैछ यो मनमा
गौतम बुद्ध जन्मिएको यो देशमा
स्नेह र ममताले पाइला छोड्दैछ
सम्बन्ध थाह छैन तर, नाता जाेडिदै छ
आश्चर्यमा छु म यो संसार कता मोडिदै छ ?