Written by: Yojana Gautam - 23068, Grade XII
Posted on: 13 December, 2022
नसोध मलाई के छ भनी
नसोध मलाई मेरा हाल खबरहरू
म अझै बाँचिरहेको छु
मैले त बस् तिमी प्रतिका भावना
मात्र मार्न खोजेकी छु ।
पहिलेको तिमी र अहिलेको तिमीमा
आकाश जमिनकाे अन्तर देख्दै छु
सायद सम्बन्ध मेरा भावनाले मात्र नहुने रहेछ
कि भावना हराउन धेरै समय नलाग्ने रहेछ ?
अहिले आफैसँग डर लाग्दै छ,
कतै फेरि यही भावनाहरूको जालमा पर्ने त हाेइन ?
त्यो सुनसान रातमा चम्किलो जुनलाई नियाल्दै सम्झन्छु ,
सोच्छु किन म यस्तो कुरामा अल्झिदै छु ?
मलाइ थाहा छ, कुनै यस्तो दिन आउनेछ,
जब त्यही सुनसान जुनेली रातलाई
खुसीको खबरले चम्काउने छ,
त्याे खुसीले सुन्दर संसार सजाउने छ ।
भावनाको संसार रमाइलो हुँदो रहेछ ,
हृदय चाहिँ रित्तो हुँदो रहेछ
पानी बिनाको माछा झैँ
सम्झिए त्यो हाम्रो बिगत
हाम्रो त के भनूँ ,
तिमीले त कुनै हिस्सा नै लिएनौ
मेरो जीवनकाे
म आफूलाई के भनूँ
यो मेरो कमजोरी हो
कब्जा गर्न सक्दिन म
नियन्त्रण गर्न सक्दिन यी भावनालाई
नियत्रण गर्न सक्दिन यी भावनालाई