किसान

Written by: Anuska Yadav - 26003, Grade IX

Posted on: 06 December, 2022

किसान जहिले खटेका 
दिनरात केही नभनी, 
पाल्नु छ पेट सबैकाे  
जिउनु छ जीवन जसरी ।।१।।

घाम र वर्षा नभनी 
गुनासो कसैलाई नगरी,
सजिलो काम होइन यो 
गर्नु छ दिन रातभरि ||२||

पैसाकाे चाह सबैलाई 
काम गर्न हुन्छ कठिन
अगाडि बढ्न गाह्राे छ 
किसानी जीवन बिताउन|| ३||

हुँदैन कहिल्यै भनेझैँ
आशा, निरासा  भइदिन्छ  
रहेछ जीवन घाम छाया 
भनेर मन बुझाइन्छ || ४ ||

जीवन आधा माटाेमा
पसिना सधैँ चुहाई 
कृषकको जीवन खै के हाे ?
जीवन बितेछ चाल नपाई  ||५ ||